Դոնեցկում ուկրաինացի զինվորականների հաղթանակը կազդարարի Պուտինի պարտությունը. Սաակաշվիլի
Դոնեցկում ուկրաինացի զինվորականների հաղթանակը կազդարարի Պուտինի պարտությունը: Այս մասին Facebook-յան իր էջում գրել է Վրաստանի նախկին նախագահ Միխեյիլ Սաակաշվիլին:
«Մենք բոլորս մեծ իրադարձությունների շեմին ենք: Եթե Մայդանը ռուսական կայսրության քաղաքական ավարտի սկիզբն էր, ապա Դոնեցկում Ուկրաինայի ԶՈւ-ի անխուսափելի հաղթանակը կազդարարի Պուտինի ռազմական պարտությունը, նրա համակարգի պարտությունը՝ Եվրոպայում և ամբողջ հետխորհրդային տարածքում իր բոլոր դրածոներով հանդերձ»,- գրել է Սաակաշվիլին։
Նրա խոսքով` ուկրիանացիներին այժմ միայն հաղթանակ է հարկավոր:
«Սա պատասխանն է դարերով ստորացված լինելուն, սովի զոհերի, երկնային հարյուրավոր հերոսների, խիզախ մարտիկների համար, որոնք զոհվել էին ամսվա վերջին օրերին: Ուկրաինացիների համար դժվար է, նրանք կորուստներ են կրում, սակայն նրանց և մեզ այժմ հարկավոր է միայն հաղթանակ՝ հաղթանակ՝ ցանկացած գնով, հաղթանակ ստի և չարի կայսրության հանդեպ»,-գրել է Սաակաշվիլին։