Իսրայելը նոր կոտորած է սկսել Գազայի հատվածում
Արաբական աշխարհը մարդկության կարևորագույն մի մեծ հատվածն է։ Այս օրերին թաքնվելով միջազգային այլ կարևոր ու ողբերգական իրադարձություններով մարդկանց շեղված ուշադրությունից Իսրայելը նոր կոտորած է սկսել Գազայի հատվածում։
Ցավում եմ արաբների համար։ Նրանք մեր ազգի ամենադժվարին տարիներին մեր գաղթականներին հյուրընկալաբար տեղավորեցին իրենց երկրներում ու սատար կանգնեցին։ Արաբական բարի ժողովրդի բարյացկամության շնորհիվ թուրքական յաթաղանից մազապուրծ մեր բեկորները այդ երկրներում արմատներ ձգեցին ու ծաղկուն հայ համայնքներ ստեղծեցին։
Այսօր այդ հյուրընկալ ժողովուրդը դժվարությունների մեջ է։ Միլիոնավոր փախստականներ ու հարյուր-հազարավոր սպանվածներ, ավերված ու քարուքանդ արված պետականություններ ու երկրներ։
Մենք պիտի մեր ձայնը բարձրացնենք միջազգային ատյանններում ու պաշտպանենք այդ ժողովրդի խաղաղ ապրելու իրավունքը իր հող ու ջրի վրա։
Համլետ Աբրահամյան, ֆեյսբուք