Ավստրալիայի արևմուտքում գտնված բեկորը անհետացած Բոյինգինը չէ

Ավստրալիայի արևմտյան ափին գտնված բեկորը անհետացած Բոյինգինը չէ, հաղորդում է CNN-ը` հղում կատարելով երկրի տրանսպորտային անվտանգության ազգային բյուրոյին:

Ավելի վաղ հաղորդվել էր, որ ծովափնյա Օգաստա քաղաքից 10 կմ դեպի արևելք գտնվել է մետաղի ջարդոն` ապակիներով: Այդ իրը տրվել էր պահպանության Արևմտյան Ավստրալիա նահանգի ոստիկանությանը, իսկ դրա լուսանկարները ուղարկվել էին ուսումնասիրության և հետազոտման:

Ինչպես հայտնել է բյուրոյի ղեկավարը, գտնված առարկան դժվար թե պատկաներ անհետացած ինքնաթիռին. «Լլուսանկարի հետազոտությունը արդեն բավական է, որպեսզի հետագա ուսումնասիրություն չանցկացվի այս առարկայի վերաբերյալ»,- ասել է բյուրիոյի ղեկավար Դոլանը: 

Հիշեցնենք, որ Մալազիա Էյրլեյնս ավիաընկերության Boeing 777-200 օդանավը, որ թռչում էր Կուալա-Լումպուրից Պեկին, 227 ուղևորով և 12 օդանավի անդամներով ռադարներից անհետացել էր մարտի 8-ին: Մալազիայի վարչապետ նադջիպ Ռազակը հայտարարել էր, որ օդանավն ընկել է Հնդկական օվկիանոսի հարավային հատվածում, և, ենթադրաբար, ոչ ոք կենդանի չի մնացել: