Այսօր մեռելոց է

Հայ Առաքելական Սուրբ Եկեղեցու ավանդույթի համաձայն եկեղեցական բոլոր հինգ տաղավարկամ մեծ տոներին հաջորդող օրը, որ հիմնականում երկուշաբթի է գալիս, բացառությամբ Ս. Ծնունդի, որ հաստատուն ամսաթվով է և յոթնօրեքներով չի հաշվվում, մեռելոց է:

Երեկ, ապրիլի 20-ին նշեցինք Հիսուս Քրիստոսի Հրաշափառ Հարության տոնը, որը կոչվում է նաև Զատիկ և նշանակում է զատում, բաժանում, հեռացում մեղքերից և վերադարձ առ Աստված: Երեկ տոնի կապակցությամբ Մայր Աթոռ սուրբ Էջմիածնում Ամենայն Հայոց Կաթողիկոսի կողմից մատուցվեց զատկական Սուրբ Պատարագ:
Իսկ այսօր ննջեցյալների հիշատակության օրն է' մեռելոց: Բոլոր եկեղեցիներում հանգուցյլաների հոգիների խաղաղության համար կմատուցվի հոգեհանգստյան Ս. Պատարագ, որից հետո մարդիկ կարող են այցելել իրենց հարազատների շիրիմներին և Տիրոջ Հարության ավետիսը տանել նաև նրանց: Հեգևորականները բազմիցս զգուշացրել են, որ բուն տոնի օրը գերեզման գնալը խորհուրդ չի տրվում:
Այսօր Հայաստանում հայտարարված է ոչ աշխատանքային օր:
Հիշեցնենք, որ 2008 թվականի հունիսի 26-ի կառավարության նիստում՝ Մայր Աթոռ Սուրբ Էջմիածնի առաջարկով, որոշում է ընդունվել, ըստ որի' հիմք ընդունելով "Խղճի ազատության և կրոնական կազմակերպությունների մասին" Հայաստանի Հանրապետության օրենքի 17-րդ հոդվածը տաղավար տոներին հաջորդող մեռելոց հիշատակի օրը հայտարարվում է ոչ աշխատանքային:

Հարություն Հարությունյան, Ֆեյսբուք: