Վլադիմիր Կլիչկոն 10 տարի դեռ զբաղվելու է բռնցքամարտով
Ուկրաինացի բռնցքամարտիկ Վլադիմիր Կլիչկոն հայտարարել է, որ նախկինի պես «քաղցած է հաղթանակների հանդեպ»:
«Ինձ դեռ 10 տարի էլ պետք է,- մեջբերում է "Р-Спорт"-ը 38ամյա Կլիչկոյի խոսքերը Die Welt-ին.- Իմ առաքելությունը դեռ չի ավարտվել, ես զգում եմ հաղթանակների քաղց, ինձ թվում է, հիմա ես միաձուլում եմ իմ մեջ փորձը, աթլետիկ տվյալները, տեխնիկական և ստրատեգիական պատրաստվածությունը, ինչը դարձնում է ինձ պրոֆեսիոնալ մարզիկ»
Նշենք, որ Կլիչկոն, ով ունի WBA, IBF և WBO կարգերում տիտղոսներ, ապրիլի 26-ին գերմանական Օբերհաուզե քաղաքում կհանդիպի ավստրալացի Ալեքս Լեապայի հետ, սակայն ռուսական հեռուստաընկերությունները այս մենամարտը չեն ցուցադրելու: Ինքը Կլիչկոն նման որոշումը կապում է քաղաքականության հետ, իր մեծ եղբայր Վիտալի Կլիչկոն հանդիսանում է ուկրաինական УДАР կուսակցության առաջնորդը և աջակցում է այժմյան կիեևյան իշխանություններին:
«Բոքսի իմ երկրպագուները չեն տեսնի իմ մենամարտը Ռուսաստանում` ապրիլի 26-ին, բայց լավ կլիներ, որ սպորտը միավորեր, ոչ թե անջատեր մեր ազգերը»,- գրել է մարզիկը իր միկրոբլոգում: