Կառավարությունը որոշել է թեթևացնել ՓՄՁ-ների հարկային բեռը
«168 ժամ» թերթը գրում է. «Կառավարությունը որոշել է թեթևացնել փոքր և միջին ձեռնարկությունների հարկային բեռը և մտադիր է առաջիկայում հանդես գալ օրենսդրական նախաձեռնությամբ: Ըստ արդեն մշակված հայեցակարգի' կառավարությունը մտադիր է մինչև 10 միլիոն դրամ տարեկան շրջանառություն ունեցող տնտեսվարողներին ազատել շրջանառության հարկից: Առկա վիճակագրությամբ Հայաստանում 47 հազար 100 այդպիսի ընկերություն կա:
Բայց բոլորն էլ հասկանում են, որ սա կեղծ վիճակագրություն է, քանի որ ընկերությունների մեծ մասը թաքցնում է շրջանառության իրական ծավալները: Եթե այս ընկերությունների իրական շրջանառությունը հաշվարկվի, ապա կստացվի, որ 10 միլիոնից պակաս շրջանառություն ունեցող ընկերությունները ոչ թե 47 հազար են, այլ ընդամենը մի քանի հազար:
Առավել մանրամասն` «168 ժամ» թերթի այսօրվա համարում: