Ուկրաինայի ճգնաժամի համատեքստում դժվար է ասել՝ մենք կունենանք արագացո՞ւմ Եվրասիական միության գործընթացի հետ, թե՝ հակառակը
«Առավոտ» թերթը գրում է. ՀՀ էկոնամիկայի նախարարան օրերս հաստատել էր, որ ապրիլի 29-ին նախատաեսված է Հայաստանի՝ Մաքսային Միության փաստաթղթի ստորագրումը: Ի սկզբանե, այդ միությանը Հայաստանի անդամակցության շտապողականությունը բացատրվեց Եվրասիական միության հիմնադիր անդամ դառնալու հեռանկարով: Սակայն, Եվրասիական միության ստեղծման գործընթացում վերջին զարգացումներին, հանդիպումներին Հայաստանը չի մասնակցում: Հայաստանյան քաղաքական դաշտում, նույնիսկ ահազանգհեր հնչեցին այն մասին, որ մեզ կրկին ստել են: Օրերս նման մտահոգություններ հնչեցրեց ՀՀ նախկին արտգործնախարար, Ալեքսանդր Արզումանյանը:
«Առավոտի» հետ զրույցում անրադառնալով այդ մտահոգություններին, «Կովկաս» ինստիտուտի քաղաքական հետազոտություններ բաժնի ղեկավար Սերգեյ Մինասյանն ասաց, որ այս պահին դեռ չի կարելի միանշանակ պնդել, որ Հայաստանը դուրս կմնա Եվրասիական միության հիմնադիրների ցանկից: Եթե Հայաստանը ապրիլի 29-ին ստորագրի այդ փոստաթուղթը, մի քանի ամիս կտևի խորհրդարանում դրա վավերացումը և միգուցե աշնանն արդեն Հայաստանը Եվրասիական միության քառյակում կունենա այն իրավական կարգավիճակը, ինչ մյուսները: Քաղաքագետը կարծում է, որ եթե մինչև այդ փուլը եռյակի կողմից նոր փաստաթղթեր լինեն՝ արդեն արժե մտահոգվել: Բայց. «Այս պահին, այդ թվում նաև Ուկրաինայի ճգնաժամի համատեքստում, դժվար է ասել՝ մենք կունենանք արագացո՞ւմ Եվրասիական միության գործընթացի հետ, թե՝ հակառակը, քանի որ և Բելառուսում և Ղազախստանում բավականին զգուշավոր են գնահատում Ուկրաինայում տեղի ունեցող գործընթացները և ՌԴ-ի ներգրավվածությունն այս հարցում»,- ասաց մեր զրուցակիցը:
Առավել մանրամասն` «Առավոտ» թերթի այսօրվա համարում