Ադրբեջանը սահմաններում պահում է լարվածությունը, քանի որ մտավախություն ունի, որ ԼՂՀ հարցն աշխարհի կողմից կմոռացվի.Ստեփան Գրիգորյան

«Առավոտ» թերթը գրում է. «Գլոբալիզացիայի և տարածաշրջանային համագործակցություն» վերլուծական կենտրոնի ղեկավար Ստեփան Գրիգորյանը վերջին շրջանում հայ-ադրբեջանական, ադրբեջանա-ղարաբաղյան սահմանին ակտիվացած կրակոցների մասին, ինչը նաև Մինսկի խմբի համանախագահները փաստեցին, բացատրություն ունի: Նախ' քաղաքագետի բնորոշմամբ, ԼՂՀ հարցում բանակցային գործընթացը սառեցված է, բայց կոնֆլիկտը շարունակվում է: Ապա' Ադրբեջանը սահմաններում պահում է լարվածությունը, քանի որ մտավախություն ունի, որ ԼՂՀ հարցն աշխարհի կողմից կմոռացվի, քանի որ կան ավելի առաջնային հարցեր' Ուկրաինայի և ՌԴ-ի հետ կապված: Երրորդը' վստահության մակարդակի հարցն է. «Անվստահության մակարդակը կոնֆլիկտի կողմերի միջեւ այնքան բարձր է, որ այսօր խոսել ինչ-որ լուծումների մասին, անիմաստ է, անգամ եթե ԱԳ նախարարների միջև հանդիպումները շարունակվեն»: Քաղաքագետը վկայակոչեց, որ նույնիսկ Սարսանգի ջրամբարի հետ կապված, որը կարող է դառնալ Ղարաբաղ-Ադրբեջան համագործակցության հիմք, նորից բաժանման գիծ է ստեղծվում:

Նախօրեին Ադրբեջանը կարողացավ ԵԽԽՎ-ի վեհաժողովի օրակարգում ջրամբարի հետ կապված հարց մտցնել: «Վատ է, որ ԵԽԽՎ-ն Ադրբեջանի առաջարկով քննարկում է այդ հարցը: Ակնհայտ է, որ Ադրբեջանն ինչ աստառ է տալու: Բայց նման նախաձեռնությունները կշատանան, քանի որ ՌԴ-ի, Ուկրաինայի հարցում մենք միակաղմանի դիրքորոշում բռնեցինք: Մենք հերթական անգամ մեկուսակցած վիճակում հայտնվեցինք' ՄԱԿ-ի քվեարկությամբ, ԵԽԽՎ-ում պառլամենտական ասամբլեայի քվեարկության ժամանակ:

Առավել մանրամասն` «Առավոտ» թերթի այսօրվա համարում: