Կրթություն չունեմ, հավաքարար էլ չեմ աշխատի. բողոքի ակցիա Կառավարության շենքի առաջ (լուսանկարներ)
Ինչպես տեղեկացրել էինք, այսօր Կառավարության շենքի առաջ ժողովուրդն իր բողոքի ձայնն էր բարձրացրել :
Այս անգամ ակտիվ էին հատկապես կանայք: Քաղաքացիների ընդունելության և դիմումների քննարկման վարչություն պետ Ալեքսանդր Ղազարյանին մոտեցավ մի կին, ով կարճ ու կոնկրետ ասաց. «Սոված եմ, մի բրնձի կտոր էլ չունեմ, ո՞նց ապրեմ»:
Ալեքսանդր Ղազարյանն էլ, ի զարմանս բոլորի, ցանկություն հայտնեց նույն րոպեին նրան աշխատանքի տեղավորել, սակայն կինը չէր համաձայնվում աշխատանքի և ոչ մի տեսակին` պատճառաբանելով, որ եթե իշխանությունների համար պետք է աշխատի, չի աշխատի:
Կրթություն չունի, հավաքարար էլ չի աշխատի 40 կամ 60.000-ի դիմաց:
«Այդ գումարով կարելի է սովամահ լինել»,- ավելացրեց բողոքականներից մեկը :
Երկարատև քննարկումից հետո կինը պայուսակից հանեց մի կատու և մուկ, որոնց բաց թողեց կառավարության շենքի առաջ՝ հեգնելով նորանշանակ վարչապետին:
Ա.Ղազարյանն` ի պատասխան այս ամենի, միայն ասաց.«Բնապահպան չկա՞ այստեղ, տեսնի ոնց է տանջում խեղճ կենդանուն: Ասում է, հացի փող չունեմ, բայց կենդանիներ է պահում: Սա արդեն շոու է, ուրշ ոչինչ»:
Կարինե Գևորգյան