Ինչո՞ւ տեր չեք կանգնում ձեր ժողովրդին. Բորբոքված կինը մեղադրում է իշխանություններին (լուսանկարներ)

Ապրիլի 17-ին Կառավարության շենքի առաջ հերթական անգամ քաղաքացիներն իրենց խնդիրների մասին բարձրաձայնեցին:

Մարդկանց հետ հանդիպման իջավ քաղաքացիների ընդունելության և դիմումների քննարկման վարչություն պետ Ալեքսանդր Ղազարյանը, ում շուրջը նույն րոպեին հավաքվեցին բոլորն ու սկսեցին միաժամանակ ներկայացնել իրենց պահանջնեը:

Մինչ Ալեքսանդր Ղազարյանը փորձում էր հասկանալ բողոքականների պահանջը, հավաքվածների ուշադրությունը գրավեց մի կին, ով գորգոռալով մեղադրում էր իշխանություններին:

«Փողոցում կանգնած կանաչի էի վաճառում, երբ ինձ մոտեցավ կյաժ, կապուտաչյա մի տղա, ով ներկայացավ որպես առևտրի մասով ինչ-որ ներկայացուցիչ, վերցրեց տոպրակներս ու ասեց՝ թող գնա ստեղից : Ինչո՞ւ չեք թողնում ապրենք, ինչո՞ւ տեր չեք կանգնում ձեր ժողովրդին»:

Բորբոքվաած կնոջ խոսքերով` ղեկավարն առաջին հերթին լավ մարդ պետք է լինի, լսի ժողովրդի ձայնը, ուղեկցի, նրանց դարդին դարման անի:

Տեսանյութը՝ շուտով:

Կարինե Գևորգյան