Հայաստանում ձերբակալվել է ադրբեջանցի քիլլեր

Հայաստանից Մոսկվա է արտահանձնվել ենթադրյալ քիլլերը, ով մեղադրվում է գործարարի սպանության մեջ: Այս մասին հայտնում է «БалтИнфо»-ն՝ հղում անելով  իրավապահ մարմիններում իր աղբյուրին:

«Ծնունդով ադրբեջանցին, ով 2004թ. ստացել է Ռուսաստանի քաղաքացիություն, Ռուսաստանի և Հայաստանի ոստիկանության համատեղ գործողությունների ընթացքում մերկացվել է սպանություն կատարելու պատվերի մեջ, և  2014թ - ի ապրիլին ձերբակալվել է և տեղափոխվել ՌԴ: Ձերբակալվածը մեղադրվում է 2012թ. ապրիլին, Մոսկվայի Բեգովայա փողոցում պատվերով սպանություն կատարելու մեջ»,-հայտնել է աղբյուրը:

Աղբյուրի փոխանցմամբ, լույս ապրիլի 20-ի գիշերը Մոսկվայի Բեգովայա փողոցի թիվ երկու տան մոտ հայտնաբերվել էր ծնունդով Ղազախստանից 52-ամյա ձեռնարկատիրոջ մարմինը, հրազենային 7 վնասվածքներով, որոնցից 3 - ը գլխի շրջանում: Փոխանցվում է, որ սպանվածը եղել է մայրաքաղաքի ավտոլվացման կետի սեփականատեր: Դեպքի վայրի զննության ժամանակ 100 մ հեռավորության վրա բետոնե սալիկի տակ հայտնաբերվել էին խլացուցիչով «Մակարով» տեսակի ատրճանակը, որից էլ, որ փորձագետները կարծում են՝ տեղի է ունեցել ձեռնարկատիրոջ սպանությունը:

Գործի քննության ժամանակ օպերատիվ աշխատակիցներին հայտնի է դարձել քիլլերի ինքնությունը, սակայն այդ ընթացքում նրան հաջողվել էր լքել Ռուսաստանի տարածքը:

«Սպանությունը փողի դիմաց կատարել էր ծնունդով ադրբեջանցի,Վլադիմիր քաղաքի 27-ամյա բնակիչը: Հայտնի է, որ սպանությունը կատարվել է պատվերով՝  կոմերցիոն շահերի հողի վրա կոնֆլիկտի պատճառով: Այժմ որոնվում են պատվիրատուները»,- հայտնել է աղբյուրը: