Շարապովան սովորել է «չկորցնել գլուխը» աղմկալի հաղթանակներից

Ռուս թենիսիստուհի Մարիա Շարապովան , ով համաշխարհային վարկանիշային աղյուսակի 7-րդ տեղում է, աենից աաջ կարևորում է իր հաջողություները կորտում: 

«Ամեն խաղացող անցնում է բազմաթիվ խոչընդոտների միջով, մինչև հասնի հաջողության և ճանաչման: Սակայն մենք անում ենք դա ոչ թե գովազդային պայմանագրեր ստանալու համար, այլ մեր գործն է՝ խաղալ թենիս,- ասել է թենիսիստուհին և ավելացրել, որ, իհարկե, կան մարզիկներ, որ գումարներ են աշխատում, բայց ինքը նրանց թվին չի պատկանում. իր համար ավելի կարևոր է հասնել այն նպատակներին, որ դնում է ինքն իր առջև.- Դա ինքնահաստատման, ինքնահաղթահարման հարց է, որ պետք է անցնի յուրաքանչյուր անձ՝ անհատականություն դառնալու համար»,- մեջբերում է Մարիայի խոսքերը  Sports Illustrated-ը:

Խոսելով ԶԼՄ-ների մասին, Շարապովան ընգծել է, որ՝ «Մարզիկները անընդհատ գտնվում են ԶԼՄ-ների ակնդետ ուշադրության կենտրոնում, այժմ ամեն ոք ունի իր կարծիքը, բայց այդ կարծիքն արտահայտելիս մի վայրկյան անգամ չի մտածում, որ վնասում է. բան է, ասաց էլի, բայց չէ՞ որ դրանով ազդում են մեր հոգեբանական վիճակի վրա,- ասել է մարզուհին.- Հատկապես ծանր են տանում սուր քննադատությունները սկսնակները, որ պատրաստ չեն այդ ամենին, սակայն ես արդեն որոշակի դիմադրողականություն ունեմ իմ հասցեին հնչող դատաբանությունների հանդեպ»:

Գործակալության թղթակցի հարցին, թե ինչպես է մարզուհին վերաբերվում իր հաղթանակներին, Շարապովան պատասխանել է. «Դրա հանդեպ ևս ձեռք եմ բերել որոշակի դիմադրողականություն, արդեն սովորել եմ չկորցնել գլուխս, դա սկզբում էր, երբ նոր էր այդ ամենը և թվում էր, թե այդպես էլ պետք է լինի, սակայն, կյանքը միայն հաղթանակներից ու վերելքներից չէ, որ կազմված է»: