Հուսամ գոնե շտապ որոշումներ չեն կայացվի և «պարտադիր » տերմինը գոնե կվերանայվի այս հարցում և չեն խաղա ժողովրդի համբերության հետ. հաղորդավար Ժակը` կուտակային կենսաթոշակների մասին

Վերջին շրջանում մեծ աղմուկ բարձրացրած կուտակային կենսաթոշակների պարտադիր բաղադրիչի մասին օրենքը հասարակության կողմից մեծ ոգևորությամբ չնդունվեց, ավելին,նոր քաղաքացիական պայքարի ալիք հանդիսացավ: Ստեղծվեց «Դեմ եմ» նախաձեռնությունը ,որին միացան մի շարք հայտնիներ ,ովքեր պայքարում են 2014թ. հունվարի 1-ից ուժի մեջ մտած կուտակային կենսաթոշակների օրենքի պարտադիր բաղադրիչի դեմ:Պայքարին միացել է նաև հաղորդավար և պրոդյուսեր Հակոբ Պապիկյանը, ով ավելի հայտնի է հասարակությանը Ժակ անունով: Operativ.am-ի թղթակիցն այս հարցի շուրջ խոսեց վերջինիս հետ: 

-Մինչ այս դուք նման որևէ ակցիաների մասնակից չեք եղել:Ինչու՞ կամ ի՞նչն էր պատճառը, որ միացաք «Դեմ եմ» կենսաթոշակային կուտակային համակարգի դեմ ուղղված պայքարին:

-Մինչ այս որևէ ակցիայի մասնակից չեմ եղել,բայց միաժամանակ նաև գազի հետ կապված պայմանագրի ստորագրման դեմ ուղղված պայքարին էլ էի մասնակցում ,բայց թերևս ավելի շատ, ավելի կոնկրետ,միացել եմ հենց կապված կենսաթոշակայինի հետ: Իրականոմ սա երևի մի ուղղությամբ բողոք է ,բայց ես էդպես չեմ միայն դիտարկում: Ինչ-որ բաներ գնալով, իրադարձություններ շատ տարբեր ճյուղերով, տարբեր ուղղություններով սկսում են նեղություն պատճառել մինչև էն աստիճան, երբ որ քո մեջ արդեն .երևի թե ամեն մեկի մոտ տարբեր ժամանակ է արթնանում դրա անհրաժեշտությունը կամ բողոքի ձայն բարձրացնել հասունանալը .ինձ մոտ հասունացրեցին հատկապես կենսաթոշակայինի հետ կապված հարցերը և չեմ կարծում մի օր ուշ, մի օր շուտ, քանի որ մտահոգ մարդը ,ցանկացած պահի ,երբ որ զգում է, որ ինչ որ կերպ կարող է իր ձայնը բարձրացնելով օգտակար լինի որպես Հայաստանի Հանրապետության քաղաքացի խոսի՝ տեղին է ու ճիշտ: Երբեք ու նաև այս դեպքում էլ չեմ շահարկում որևէ ակցիաների մասնակցությունը, ուղղակի սրտացավ, որպես մարդ տեսնում եմ էն իրավիճակը մեր իրականությունում,այսինքն դրանք, սոցիալական ծանր պայմաններն են,ոչ վստահության մթնոլորտը ներկայի հանդեպ: Այս պարագայում ես անտեղին եմ համարում նման բարեփոխումների մասին մտածելը,որոնք երեսուն տարի հետոյի հետ են կապված:Միջազգային փորձը ցույց է տալիս, որ վատ տարբերակ չէր դա՝ կեսաթոշակային կուտակումները,բայց զարգացած պետություների համար:Եթե մենք մեզ կարող ենք համարել զարգացած պետություն ՝բոլոր առումներով,ուրեմն ,թերևս մեզ խաբել ենք այս պայքարում :

-Դուք ինքներդ ի՞նչ քայլեր եք նախատեսում անել, կենսաթոշակային կուտակային համակարգի դեմ ուղղված պայքարում արդյունքի հասնելու համար:

-Ես մանակցեցի «Դեմ եմ»-ի պայքարին, որտեղ մի շարք հայտնի գործընկերներ ,մարդիկ միացել էին այս նախաձեռնությանը, այս տարբերակով եթե լինեն բողոքի որևէ երթեր: Մասնակցեցի նաև Ազատության հրապարակում տեղի ունեցող հանրահավաքին,բայց երբ հնչեցին քաղաքականացված կոչեր, ես չէի գնացել քաղաքական ինչ որ նկատառումներից ելնելով, այդ պահին կոնկրետ այդ հարցի համար էի այնտեղ ներկա գտնվում, ոչ թե քաղաքական լոզունգների:Ետ քաշվեցի այդ առումով, բայց շարունակելու եմ կոնկրետ այս հարցում միանշանակ կարծիք ունենալ:
Մենք չենք ապրում գերզարգացած, կամ հաջողված պետությունում, որպեսզի այս մոդելը կիրառենք մեզ մոտ: Բազմաթիվ ընթացիկ,շատ լուրջ խնդիրներ ունենք, սարսափելի խնդիրներ, որոնց մասին ես չէ որ պետք է բարձրաձայնեմ ,բոլորը տեսնում են վերացող ուրվականի վերածվող քաղաքներ, կյանքի նշույլ չունեցող աչքերով հասարակություն, մեծ արտագաղթ:Այս ամենը, բոլորը տեսնում են .սա մեր կյանքի մի մասն է:Այս պայմաններում ապագայի մասին, այն էլ որ չունես վստահության նշույլներ ,կարծում եմ դեռ տեղին չէ,կարծում եմ դեռ վստահություն ձեռք բերել,հասարակության, ժողովրդի հանդեպ, այնուհետ առաջարկել հեռանկարային բարեփոխումներ:

-Ի՞նչ եք կարծում, հայտնի մարդկանց այս կամ այն քաղաքացիական պայքարին միանալը ինչ չափով կարող է արդյունքի հանգեցնել:

 Շատ է հնչում այս հարցը:Կարող է և խանգարել և օգել:Խանգարել այն առումով, որ քիչ չեն այն տարբերակները, որ մարդիկ պարզապես միանում են .էսօր սեփական անուն ազգանուն լսելու մոլուցքով շատերն են տառապում և այս կամ այն տարբերակով հնչում է իրենց անուն ազգանունը, երևի տարօրինակ բավականություն են ստանում :Սա բոլորին չի վերաբերում. կա իրոք ,շատ անկեղծ էս պայքարին միացող գործընկերներ ու մարդիկ,որոնք մեծամասնություն են կազմում իմ կարծիքով, և հայտի մարդկանց մասնակցությունը կարծում եմ հնարավորություն կտա խնդրի վրա ուշադրություն սևեռել:Այսինքն բոլոր տարբերակներով .լինի դա հանրահավաք,լինի հայտնի մարդկանց ում հանրապետության մասշտաբով ճանաչում են, կամ փոքր ավելի քիչ մասշտաբով,եթե անդրադառնում են,որևէ խնդիր,այսինքն խնդիրը բարձրաձայնելու տարբերակներից մեկն է :Նրանք հասարակության միջից են ,ներանք պարզապես օդում ստեղծված կերպարներ չեն ,նրանք ապրում են այսօր Հայաստանի քաղաքացու պես, նույն խնդիրներով, ինչ որ ունեն բոլորը:Սա կարծում եմ շատ լավ տարբերակ է նաև մարդկայնի հատկանիշներով ներկայանալու համար:

-Ի՞նչ եք կարծում այս տարատեսակ ակցիաները, որ տարվում են կենսաթոշակային կուտակային համակարգի դեմ կունենան իրենց վերջնական արդյունքը:

-Ես ցավում եմ, չգիտեմ ինչու մի տեսակ այդքան լավ չեմ այսօր տրամադրված ընդհանուր առմամբ:Բայց շարունակելու ենք պայքարել ,մեր փոխարեն ոչ ոք ոչ մի բանի համար, մեր տան մեջ չի կարող պայքարել և պահանջել, մենք հիմա մեր տանն ենք գտնվում և նույնիսկ հուսալքության, հուսահատվածության պահերը , որ յուրաքանչյուրիս կարող են այցելել մենք փորձում ենք դրանք հաղթահարել:Եվ հուսամ գոնե հապճեպ որոշումներ չեն կայացվի և «պատադիր » տերմինը գոնե կվերանայվի այս հարցում: Մի խոսքով չի կարելի չնկատել, որ այս բարեփոխումը միանշանակ չի ընդունվում ժողովրդի կողմից ,պետք է կույր լինել պարզապես,որ չնկատել ,որ սա կոնկրետ խնդիր է: Բայց խնդիրների շարքում միակը չէ,այսօր հասարակությունը ճեղքվել է մի քանի խնդիրների միջև: Ձմեռային սեզոնում կոմունալ վարձերի հետ կապված մեծ ու տհաճ անակնկալներ կան, որ արդեն սկսում ես դժվարանա,որ ուղղությամբ մտածես, որ խնդրի ուղղությամբ մտածես :Մի խոսքով շատ բարդ շրջան է:Արտաքուստ, եթե որքան էլ փորձես քեզ հանգիստ ու սովորական պահել, մարդիկ իրենց առօրյան ապրում են գլուխը կախ,ոչ թե ապրում են այլ գոյատևում են:Եվ ասես նրանց միջից դուրս է եկել ոչ թե ցանկությունը,այլ ֆիզիկապես , հոգեպես հնարավորությունը՝ ինչ որ բանի համար պայքարելը:Ես վերացական չեմ խոսում:Այդ թվում ,նաև ինչու չէ մեզ մոտ,իմ մոտ ,շատ հաճախ աշխատանք, ընտանիք, աշխատանք և դու չես հասցնում որոշակի կերպով էտ պայքարին միանաս, բայց ցանկացած հարցում կա սահման ,այդ սահմանը բոլորի մոտ ,տարբեր ժամանակներում լցվում է,սրանից պետք է զգույշ լինել և ուշադիր: Չխաղալ ժողովրդի համբերության հետ:

Զրուցեց` Վիկա Խաչատրյանը