Երևան, 28.Հունիս.2017, 00:00 |
|
1 $ = 0 Դրամ 1 = 0 Դրամ 1 = 0 Դրամ
|
Արծաթ - 0 Դրամ Ոսկի - 0 Դրամ Պլատին - 0 Դրամ
«Սասնա ծռերի» կողմնակիցները պետք է ընդունեն, ... Վերջին 10 օրում Ադրբեջանը հաստատված տվյալներո... Էրդողանը հայտնել է Սիրիայում քրդերի դեմ հնարա... Գյումրիում քրեական աշխարհը խուճապի մեջ է. կրա... Լավ բան ես ասում, բայց հիմա կլինի՞ արդեն Հայա... Հայտնի է, թե որն է եղել Նյու Յորքի գնացքի՝ գծ... Կույր երեխան երգում է Արմենչիկի երգը՝ չիմանալ... Իրազեկում՝ ճամփորդության մեկնողների համար Պատմության մեջ այս օրը. հունիսի 28 Վենեսուելայում ուժայինները կրակ են բացել Գերա... Պաշտպանության նախարար Վիգեն Սարգսյանի մամուլի... Նավթի համաշխարհային գները նվազում են «Հին Էրիվան»-ում ամեն ինչ վերածվել է մոխրակու... Ողբերգական ավտովթար Վայոց Ձորի մարզում. Կա 1 ... Խոշոր հրդեհ Հյուսիսային պողոտայում. դեպքի վայ... Սփյուռքի նախարարությունում ամեն տարի առաջանու... Արմեն Ունանյանը միջամտո՞ւմ է ՊԵԿ-ի գործունեու... Գործարար Ռուբեն Վարդանյանն առաջիկայում Երևան ... Խոսրով Հարությունյանը մինչ հարց հնչեցնելն իր ... Նոր կառավարությունը չի պատրաստվում տեր կանգնե... «Շանգրիլան» աշխատակիցների համար կայանատեղիի վ... Վարդան Հարությունյանը պնդում է, որ մինչև 2016... Խաչատուր Սուքիասյանը Գյումրիում շքեղ հյուրանո... ՀՀ քաղաքացիությունից հրաժարված հայերը կզրկվեն... Հրազդանի քաղաքապետ Արամ Դանիելյանը քաղաքապետա...

Ես ներողություն չեմ խնդրի, ինչի՞ համար խնդրեմ. Լևոն Մութաֆյան

ՀՀ նախագահի «Արվեստ» մրցանակի շնորհման հանձնախմբի 6 անդամ դատի են տվել թատերագետ Լևոն Մութաֆյանին,իր Facebook-յան գրառման համար, որով, ըստ հանձնախմբի անդամների, վիրավորվել է  իրենց պատիվը, արժանապատվությունը, գործարար համբավը: Operativ.am-ի թղթակիցը զրուցեց Լևոն Մութաֆյանի հետ, միջադեպի կապակցությամբ առավել մանրամասն տեղեկություն ստանալու համար:

 

-Պարոն Մութաֆյան ձեր Facebook-յան գրառումը լուրջ հետևանքների է հանգեցրել: «Արվեստ» մրցանակի շնորհման հանձնախմբի 6 անդամ անգամ դատարան են դիմել, ինչպես կմեկնաբանեք:


- Դա, իհարկե, ծիծաղելի է, իմ էջում կարող եմ ցանկացած իմ մտորումը, կարծիքը գրել: Դա հանրային հարթակ է, զանգվածային լրատվամիջոց չէ, տպագիր մամուլ չէ: Ես բավական բարկացած, մի քանի նկարիչների հետ զրույցից հետո, տեղադրել եմ մի գրառում,նշելով որոշակի ,,թվեր,, «Արվեստ» մրցանակի շնորհման հանձնախմբի անդամների ենթադրաբար կատարած ,,առևտրի,, մասին, ապա' 2 րոպե անց, ջնջել եմ այն, մտածելով, որ չարժե իջնել այդ մարդկանց մակարդակի և, գուցե, սոսկ ասեկոսեի մակարդակով խոսակցությունը դարձնել մտորման նյութ: Այդ ընթացքում, առանց ինձ տեղյակ պահելու, երկու կայք տեղադրել են իմ գրառումը, ինչի համար ես բնականաբար, պատասխանատվություն չեմ կրում: Իմ գրառման մեջ ես օգտագործել եմ «նկարիչների մաֆիա» արտահայտությունը և նշել եմ, որ նրանք թատերական արվեստից շատ հեռու են, այս մտքի վրա էին սևեռվել հանձնախմբի անդամները և վիրավորվել: Ես միանգամայն ճիշտ եմ գրել, վերջապես հայտնվեց մի մարդ, ով բացահայտեց «Արվեստ» մրցանակի շնորհման հանձնախմբի ոչ պրոֆեսիոնալ գործունեությունը, նրանցից շատերի հեռու լիները թատերարվեստից:

 


- Պարոն Մութաֆյան ավելի մանրամասն կասե՞ք «Արվեստ» մրցանակի շնորհման հանձնախմբի և ձեր միջև հակասության պատճառը:

 

- Հանձնախումբը, որի անդամ են 3 նկարիչ, 3 ճարտարապետ, 1 կինոգետ և 1 երաժշտագետ, այսինքն թատրոնի հետ կապ չունեցող մարդիկ, որոշում է թատերական ներկայացումը լավն է թե ոչ: 13 տարվա իր գործունեության ընթացում «Արվեստ» հանձնախումբը մրցանակ է շնորհվել հիմնականում նկարիչների և ճարտարապետների, միայն երկու անգամ' կինոռեժիսորների: Ես բացահայտել եմ այդ ամենը, անվանել եմ այն նկարիչների մաֆիա: Երբ իմ և Արմեն Խանդիկյանի աշխատանքը ներկայացվում էր «Արվեստ» մրցանակի, ես «Հայաստան» հիմնադրամի ներկայացուցչին' Աիդա Խաչիկյանին, հարցրեցի՝ կա՞ հանձնաժողովում թատերական արվեստի ներկայացուցիչ, ասաց՝ կա, երբ հայտնի եղան արդյունքները, ես զանգահարեցի, նորից հարցրեցի, դարձյալ պնդեց, որ, այո, կա, բայց պարզվում է, որ չի եղել: Այսինքն, մրցանակը տալիս են ոչ կոմպետենտ մարդիկ: 2013-ին «Արվեստ» մրցանակ է շնորհվել կրկին նկարիչների, ընդ որում, միանգամից երկու նկարչի, այն դեպքում, որ մրցանակն ընդամենը մեկն է: Ինչպե՞ս պատահեց, որ երկուսն էլ նկարիչ ստացան, թող թատրոնին տային, խնդիրը ինձ մրցանակ տալը չէ, թող Սունդուկյանի անվան թատրոնին տային կամ Համազգայինի «Հացի խնդիր» ներկայացմանը: Կամ, ինչպե՞ս կարելի է թատերական ներկայացումը, նկարչության, դիզայնի, ճարտարապետության գործերը հետ դնել կողք կողքի և որոշել որն է լավ, նույնն է, թե կոշիկը, ներքնազգեստը, տրակտորը իրար կողք դնեն և համեմատեն: Ես Հակոբ Հակոբյանի դեմ ոչինչ չունեմ, նա մեր նկարչության նահապետն էր, ով, թեկուզ ետմահու պետք է ստանար այդ մրցանակը, բայց ով է Հենրիխ Էլբակյանը, ես տեսել եմ նրա աշխատանքը, ներկա եմ եղել ցուցահանդեսի բացմանը, ուր ներկայացված էր նրա նկարաշարը, որը արհամարհական վերաբերմունքի արժանացավ արվեստագետների կողմից անհետաքրքիր վատ աշխատանք էր... «Արվեստ» մրցանակին այն ներկայացրել էր Լևոն Իգիթյանը, դրանով ամեն ինչ ասված է:


-Դատարան դիմելուց հետո, հանդիպե՞լ եք հանձնախմբի անդամներին:

 

- Այստեղ կա սուբյեկտիվ մի պահ, այստեղ կարևոր դերակատարում ունի Գուրգեն Մուշեղյանը, ով քինախնդրության համար բացել է այս գործը, իսկ հանձնախմբի մյուս անդամներն ուղղակի դիտարկվել են որպես գործիք, երևի տեղյալ էլ չեն եղել, որ ստորագրում են դատական հայցի տակ: Ավելին ասեմ, հանձնախմբի 2 անդամ' Արթուր Մեսչյանը և Սարգիս Համարբաշյանը , դեմ են եղել իմ դեմ դատական գործեր բացելուն, ճանաչում եմ նաև Աննա Երզնկյանին, ու երեկ էլ ջերմ բարևել եմ, շատ բարոյական մարդ է, անընդունակ իմ դեմ դատական գործ բացելու համար: Հետաքրքիր է, որ Գուրգեն Մուշեղյանը ավեի շատ գումարի չափով է վիրավորվել, քան մյուսները, նրանք 200 հազար են ուզել, այս մարդը' կրկնակի: Հետաքրքիր է նաև, որ 4 ամիս անց նոր որոշել են դիմել դատարան, 4 ամիս անց նոր վիրավորվել են: Մուշեղյանին հաճախ տեսել եմ, գլուխն իհարկե թեքել է: Աստված իր հետ:

 

-Ի՞նչ քինախնդրության մասին է խոսքը պարոն Մութաֆյան:


-Ես մամուլում և հրապարակավ քննադատել եմ Գուրգեն Մուշեղյանին «Համազգայինի» շենքի կառուցման դեմ սկսված արշավի համար, այն բանի համար, որ քինախնդրորեն լցված լինելով Նարեկ Սարգսյանի դեմ, ամեն ինչ անում էր թատրոնի դեմ: Եվ այս մարդը որոշել է վրեժ լուծել նաև ինձանից, երբ հրապարակավ ապացուցեցի, որ ինքը միտումնաբար է առաջ քաշում մետրոյի երկրորդ գիծ կառուցելու գաղափարը, որպեսզի խոչընդոտի թատրոնին: Պարզվում է, որ այդ մարդը, որը Երևանի գլխավոր ճարտարապետն է եղել, չի էլ պատկերացնում տրանսպորտային ուղիների իրրական ծանրաբեռնվածությունը: Միայն թե թատրոն չկառուցվեր, քանի որ Նարեկ Սարգսյանն է գաղափարի կրողը... Ուրեմն, Գուրգեն Մուշեղյանի համար ամեն տեղ անձնական խնդիրներն են ու նրա անձնական ամբիցիաները... Հիմա էլ ամբիցիաներից ելնելով է մարդկանց հանել է իմ դեմ: Իհարկե, զարմացած եմ, որ Սարո Կալենցն է ստորագրել հայցի տակ, երբ նա ինքն էլ շփոթված էր հանձնախմբի որոշումից... Ինչևէ: Սա հրաշալի առիթ էր ճանաչելու իրենց արվեստագետ հորջորջող մարդկանց, ընկալելու նրանց վարքագիծը:

 


- Պարոն Մութաֆյան բացի դրամական պահանջը, նրանք պահանջում են, որ դուք հրապարակային ներողություն խնդրեք:

 


- Ես ներողություն չեմ խնդրի, ինչի համար, եթե այդ մարդիկ կեղծում են նախագահի մրցանակը: Իմ «Նկարիչների մաֆիան ընդդեմ Հանրապետության նախագահի» հոդվածում ես անդրադարձել եմ դրան: Անձամբ նախագահն էլ շեշտել է, որ լուրջ դժգոհություններ կան «Արվեստ» մրցանակի շնորհման հանձնախմբի գործունեության հետ կապված:

 


-Իսկ հնարավո՞ր է, որ այս դատական գործից հետո, դուք ավելի զգույշ լինեք ձեր Facebook-յան գրառումներն անելուց, կամ ավելի պակաս ակտիվ լինեք:

 


-Իհարկե ոչ: Ես ավելի կատաղի կգրեմ:Ես մտածում եմ այն, ինչ մտածում եմ և գրում եմ այն, ինչ գրում եմ: Ես ավելի համարձակ կլինեմ, ցույց տալու, որ մի մարդ' Գուրգեն Մուշեղյանը, ով Սոս Սարգսյանին լացացրեց բեմում, մեր բեմի նահապետը լաց եղավ, ասելով, որ չէր սպասում, թե մտավորականը դեմ կլինի թատրոնին, չի կարող մրցանակներ բաժանել: Ես ավելի դաժան կլինեմ և կգրեմ նրա' Երևանի գլխավոր ճարտարապետ եղած ընթացքում , ինչպիսի աղավաղումներ են թույլ տրվել Երևանի կերպարի մեջ:

 

  Զրուցեց Գայանե Շահինյանը

դիտվել է 29267 անգամ
loading...
«Սասնա ծռերի» կողմնակիցները պետք է ընդունեն, ... Վերջին 10 օրում Ադրբեջանը հաստատված տվյալներո... Էրդողանը հայտնել է Սիրիայում քրդերի դեմ հնարա... Գյումրիում քրեական աշխարհը խուճապի մեջ է. կրա... Լավ բան ես ասում, բայց հիմա կլինի՞ արդեն Հայա... Հայտնի է, թե որն է եղել Նյու Յորքի գնացքի՝ գծ... Կույր երեխան երգում է Արմենչիկի երգը՝ չիմանալ... Իրազեկում՝ ճամփորդության մեկնողների համար Պատմության մեջ այս օրը. հունիսի 28 Վենեսուելայում ուժայինները կրակ են բացել Գերա... Պաշտպանության նախարար Վիգեն Սարգսյանի մամուլի... Նավթի համաշխարհային գները նվազում են «Հին Էրիվան»-ում ամեն ինչ վերածվել է մոխրակու... Ողբերգական ավտովթար Վայոց Ձորի մարզում. Կա 1 ... Խոշոր հրդեհ Հյուսիսային պողոտայում. դեպքի վայ... Սփյուռքի նախարարությունում ամեն տարի առաջանու... Արմեն Ունանյանը միջամտո՞ւմ է ՊԵԿ-ի գործունեու... Գործարար Ռուբեն Վարդանյանն առաջիկայում Երևան ... Խոսրով Հարությունյանը մինչ հարց հնչեցնելն իր ... Նոր կառավարությունը չի պատրաստվում տեր կանգնե... «Շանգրիլան» աշխատակիցների համար կայանատեղիի վ... Վարդան Հարությունյանը պնդում է, որ մինչև 2016... Խաչատուր Սուքիասյանը Գյումրիում շքեղ հյուրանո... ՀՀ քաղաքացիությունից հրաժարված հայերը կզրկվեն... Հրազդանի քաղաքապետ Արամ Դանիելյանը քաղաքապետա...
Ամենաընթերցվածը
website by Sargssyan