Բժիշկը զգուշացրել է մահացու հիվանդության առաջին ախտանիշների մասին

Շատ դեպքերում աչքի քաղցկեղն աննկատ է մնում վաղ փուլերում, իսկ առաջին լուրջ նշանները հայտնվում են հիվանդության առաջընթացի հետ մեկտեղ: Shantnews-ի փոխանցմամբ՝ այս մասին Газета.Ru-ի հետ զրույցում զգուշացրել է ուռուցքաբան Անտոն Իվանովը։ Նա նաև բացատրել է, թե ինչ նշաններ են օգնում հայտնաբերել քաղցկեղը վաղ փուլում:

Ուռուցքաբանը նշել է, որ մահացու այս հիվանդության ախտանշանները կարող են տարբերվել՝ կախված ուռուցքի տեսակից։ Օրինակ, եթե չարորակ բջիջները ազդում են ծիածանաթաղանթի վրա, դրա վրա առաջանում են բծեր կամ հանգույցներ։

Աչքերի գույնի փոփոխությունը նույնպես վկայում է հիվանդության մասին: Բայց կոպերի մելանոմայի դեպքում, շարունակել է Իվանովը, ծիածանաթաղանթի վրա մուգ կետեր են ձևավորվում։ Բացի այդ, շատ հիվանդներ դժգոհում են կրկնակի տեսողությունից:

Բժիշկը հավելել է, որ աչքի քաղցկեղի ընդհանուր ախտանշանները ներառում են կարմրություն, վարակիչ և բորբոքային հիվանդություններ, լայնացած բիբ։ Բացի այդ, քաղցկեղի մասին կարելի է կասկածել, եթե տեսողությունը վատանում է, աչքերը արագ հոգնում են, և ցանցաթաղանթի անջատում է նկատվում, նշել է Իվանովը։

Բժիշկը հավելել է, որ աչքի չարորակ գոյացության զարգացումն առավել հաճախ հրահրում են ռադիոակտիվ արտանետումները, անբարենպաստ էկոլոգիան, ուլտրամանուշակագույն ճառագայթների ազդեցությունը, անորակ կոսմետիկայի օգտագործումը և քաղցկեղածին սննդի օգտագործումը։ Բացի այդ, որոշ մարդկանց մոտ գենետիկ նախատրամադրվածության պատճառով աչքի քաղցկեղի ավելի մեծ ռիսկ կա, եզրափակել է ուռուցքաբանը։