Զգուշացե՛ք խաբեբաներից. Ozon-ը հիշեցնում է համացանցային անվտանգության կանոնները

Մարքեթփլեյսները հաստատապես մուտք են գործել մեր կյանք՝ դարձնելով առցանց առևտուրը պարզ և հարմարավետ: Սակայն տեխնոլոգիաների զարգացումը նպաստում է նաև խարդախությունների նոր սխեմաների ձևավորմանը: Վերջին շրջանում պարբերաբար լուրեր են շրջանառվում խաբված հաճախորդների պատմությունների մասին։ Ozon-ի հետ որոշ խորհուրդներ ենք պատրաստել, թե ինչ կանոններ է պետք պահպանել՝ կիբերհանցագործների զոհ չդառնալու համար։

Պարզ կանոններ

Կարևոր է հասկանալ, որ սպառողների պաշտպանության տեսանկյունից առարկայական տարբերություն չկա առցանց առևտրի և ավանդական խանութներում առևտրի միջև. օրենքը հավասարապես տարածվում է բոլոր վաճառողների և գնորդների հարաբերությունների վրա ու պաշտպանում սպառողներին: Բայց մարքեթփլեյսները հաճախ շատ ավելի հարմար առևտուր են առաջարկում. կարող եք համեմատել գները և ընտրել անալոգներ, կարդալ այլ հաճախորդների կարծիքները, ստանալ պատվերը ձեզ հարմար ժամանակ, իսկ եթե ապրանքը չհամապատասխանի ձեր կարիքներին, կարող եք հեշտությամբ և արագ վերադարձնել այն: Ինչ վերաբերում է անվտանգությանը, ապա առցանց հարթակներում գործում են աշխատանքային հստակ կանոններ, որոնց կարող եք ծանոթանալ պաշտոնական կայքերում։ Այդ կանոնները խստությամբ պահպանվում են և հնարավոր չէ որևէ շեղում։ Եթե ​​անծանոթները ձեզ ներկայանում են որպես վաճառողներ կամ Ozon-ի ադմինիստրատորներ և պահանջում են տրամադրել քարտի տվյալները, ուղարկել SMS կոդ, գումար փոխանցել, առաջարկում են անցնել անծանոթ կայքի հղմամբ կամ ստանալ մրցանակ՝ դուք գործ ունեք խաբեբաների հետ։ Ներկայացնում ենք որոշ կանոններ, որոնք կօգնեն ձեզ անվտանգ գնումներ կատարել առցանց հարթակներում:

Կանոն 1. ստուգե՛ք SMS և էլեկտրոնային նամակներ ուղարկողի հասցեները

Եթե ստացել եք SMS հաղորդագրություն կամ նամակ, որտեղ խոստանում են զեղչ կամ ծանուցում խաղարկության մասին, մի՛ շտապեք սեղմել հղման վրա, այլև ուշադիր համեմատեք տվյալները պաշտոնական կայքի հետ: Առաջին հայացքից տվյալները կարող են արտաքնապես բավականին նման լինել, սակայն միշտ տարբերվում են մանրուքներով։ Բացի այդ, երբեմն խաբեբաները մարքեթփլեյսների կեղծ հաշիվներ են ստեղծում Telegram-ում կամ WhatsApp-ում և կապ են հաստատում ակնթարթային մեսենջերների միջոցով՝ տեխնիկական աջակցության քողի ներքո: Հիշեք՝ Ozon-ի աշխատակիցները երբեք չեն շփվում անձնական մեսենջերներում կամ սոցիալական ցանցերում, այլ միայն պաշտոնական կայքում առկա զրուցարաններում կամ պաշտոնական հասցեներից ուղարկվող էլեկտրոնային փոստի միջոցով:

Ինչի՞ն ուշադրություն դարձնել

Եթե էլեկտրոնային նամակ եք ստանում, ստուգե՛ք ուղարկողի հասցեն: Ozon-ից էլեկտրոնային փոստով հիմնական ծանուցումները ուղարկվում են @ozon.ru դոմեյնից։

Նմանեցված հասցեներ. խաբեբաները կարող են հասցեին ավելացնել լրացուցիչ նիշեր կամ թվեր, որոնք կարող են շփոթություն առաջացնել կամ առաջին հայացքից աննկատ լինեն։ Օրինակ՝ կարող են օգտագործել [email protected] էլ հասցեն պաշտոնական [email protected] հասցեի փոխարեն:

Հաղորդագրության տեքստում ուղղագրական և քերականական սխալներ: Սխալները կարող են հուշել, որ նամակը ստեղծվել է խաբեբաների կողմից, այլ ոչ թե Ozon-ի պրոֆեսիոնալ ​​աջակցության թիմի կողմից:

Նախազգուշական միջոցներ

Ստուգե՛ք ուղարկողի հասցեն: Ozon-ը հաճախորդների հետ շփվում է սահմանափակ դոմեյններով: Ցանկացած հաղորդագրություն, որը չի համապատասխանում այդ հասցեներին, պետք է կասկած հարուցի։

Կապվե՛ք պաշտոնական աջակցության թիմի հետ: Եթե ​​որևէ կասկած ունեք հաղորդագրության իսկության վերաբերյալ, դիմեք Ozon-ի աջակցման ծառայությանը:

Կանոն 2. մի՛ սեղմեք կասկածելի հղումներին

Ֆիշինգային կայքերը ստեղծվում են պաշտոնական հարթակներին շատ նման և կարող են առաջին հայացքից նույնական թվալ: Ապրանքները ներկայացվում են այդ հարթակներում անհավանական զեղչերով կամ բացառիկ նվերների տեսքով: Սակայն վճարումը կատարելուց հետո գումարը կգանձվի, իսկ խոստացված ապրանքը չի առաքվի: Վատագույն դեպքում, խաբեբաները կարող են հասանելիություն ստանալ ձեր բանկային տվյալներին և զրոյացնել ձեր բանկային հաշիվը:

Ինչի՞ն ուշադրություն դարձնել.

Կասկածելի URL հասցեներ, որոնք կարող են արտաքնապես նման լինել Ozon-ի պաշտոնական կայքին, սակայն ունեն ուղղագրական տարբերություններ կամ օգտագործում են այլ դոմեյններ:

Առաջարկները չափազանց գայթակղիչ են իրական լինելու համար. անհավանական մեծ զեղչեր ապրանքների վրա, ինչպես նաև հաղորդագրություններ խաղարկություններում շահումների մասին, որոնց դուք չեք մասնակցել:

Անձնական տեղեկությունների տրամադրման պահանջ՝ կայքեր, որոնք պահանջում են մուտքագրել ձեր բանկային քարտը կամ անձնական տվյալները՝ ձեր ինքնությունը հաստատելու կամ մրցանակ ստանալու համար:

Նախազգուշական միջոցներ

Զգուշորեն ստուգե՛ք URL հասցեները: Համոզվեք, որ հղումը տանում է դեպի Ozon-ի պաշտոնական կայք (https://www.ozon.ru):

Մի՛ սեղմեք կասկածելի հղումներին։ Եթե ​​առաջարկը չափազանց գայթակղիչ է թվում, ամենայն հավանականությամբ այն կեղծ է: Այցելե՛ք Ozon-ի պաշտոնական կայք՝ մուտքագրելով հասցեն ձեր բրաուզերում:

Օգտագործե՛ք անվտանգության ծրագրեր: Ներբեռնե՛ք հակավիրուսային և հակաֆիշինգային ծրագրեր ձեր սարքերում՝ վնասակար կայքերից պաշտպանվելու համար:

Կանոն 3. մի՛ տրամադրեք ձեր բանկային քարտի տվյալները կամ հաղորդագրությամբ ուղարկված կոդերը ուրիշներին

Առցանց խարդախության մեկ այլ դասական օրինակ է քարտի տվյալները խնդրելը, օրինակ՝ անհաջող գնման գումարի վերադարձ ստանալու համար: Ozon-ում գումարի վերադարձը միշտ կատարվում է հենց մարքեթփլեյսի համակարգում, որտեղ քարտի տեղեկությունները ապահով կերպով պահված են: Այսպիսով, նման խնդրանքը ոչ այլ ինչ է, քան CVC (CVV) համարը ստանալու փորձ: Նմանատիպ հնարք է նաև բանկից ստացված SMS կոդի տրամադրման պահանջը` «գնման վերաձևակերպման», «զեղչ տրամադրելու» կամ «համակարգի խափանումը շտկելու համար»: Իրականում խաբեբաներին բանկայի կոդը անհրաժեշտ է, որպեսզի քարտից շորթեն ձեր գումարները:

Ինչի՞ն ուշադրություն դարձնել

Բանկային քարտի տվյալների տրամադրման հարցումներ ցանկացած պատրվակով, այդ թվում՝ միջոցների վերադարձման նպատակով:

Քարտի CVC (CVV) կոդը տրամադրելու պահանջներ՝ իբր ինքնությունը հաստատելու կամ գործարքը հաստատելու համար:

Բանկից SMS հաղորդագրությամբ ստացված հաստատման կոդի տրամադրման խնդրանք՝ համակարգում սխալը ուղղելու, գնումը վերագրանցելու կամ զեղչ տրամադրելու պատրվակով։

Նախազգուշական միջոցներ

Խուսափե՛ք անձնական տվյալների հրապարակումից: Ձեր բանկային քարտի համարը, PIN-ը, CVC-ն (CVV), գաղտնաբառերը կամ SMS կոդը ոչ ոքի մի՛ փոխանցեք:

Վերադարձի համար օգտագործե՛ք պաշտոնական խողովակները: Հարցումներ կատարեք անմիջապես ձեր անձնական հաշվի միջոցով Ozon-ի կայքում կամ հավելվածում, որտեղ ձեր վճարման տեղեկություններն արդեն ապահով կերպով պահված են:

Զգուշացե՛ք կեղծ հարցումներից: Չափազանց զգույշ եղեք, եթե որևէ մեկը հեռախոսով, էլեկտրոնային փոստով կամ ակնթարթային մեսենջերներով խնդրում է տրամադրել ֆինանսական կամ վճարմանը վերաբերող տեղեկատվություն: Հիշե՛ք, որ Ozon-ի աշխատակիցները երբեք նման տվյալներ չեն պահանջում վերադարձ ձևակերպելու համար:

Մի՛ մոռացեք, որ առցանց գնումներ կատարելիս պարզ կանոնների պահպանումը խարդախություններից պաշտպանվելու գրավականն է: Ցանկացած հարցի կամ կասկածի դեպքում մի՛ հապաղեք դիմել Ozon-ի աջակցության թիմին: Միասին մենք առցանց առևտուրը դարձնում ենք ոչ միայն հարմար, այլև անվտանգ: