Բայդենը եւ Սունակը քննարկել են Ուկրաինային կասետային զինմամթերքներ տրամադրելու հարցը

Մեծ Բրիտանիայի վարչապետ Ռիշի Սունակը եւ ԱՄՆ նախագահ Ջո Բայդենը քննարկել են Վաշինգտոնի որոշումը Ուկրաինային կասետային զինամթերքներ հանձնելու մասին, բրիտանացի վարչապետը Լոնդոնում հանդիպման ժամանակ հաստատել է, որ կողմնակից է կասետային զինամթերքներն արգելող կոնվենցիային, փոխանցել է «Ռոյթըր» գործակալությունը՝ հղում կատարելով Սունակի ներկայացուցչին։

«Մենք կողմ ենք ըստ կոնվենցիայի ստանձնած մեր պարտավորություններին, որոնք թույլ չեն տալիս դրանց կիրառումը։ Մենք ոչինչ չենք փոխում այս առնչությամբ, ակնհայտ է, որ յուրաքանչյուր երկիր պետք է ինքը որոշում կայացնի»,- նրան մեջբերել է գործակալությունը։

Գործակալության տվյալներով՝ Սունակի ներկայացուցիչը նաեւ նշել է, որ ԱՄՆ որոշումը Կիեւին կասետային զինամթերքներ տրամադրելու մասին բարդ էր, եւ դրան հարկադրել է Ռուսաստանը։

ԱՄՆ նախագահ Ջո Բայդենը հուլիսի 7-ին հայտարարել էր Կիեւի ռեժիմին կասետային զինամթերքներ տրամադրելու որոշման մասին։ ՌԴ ԱԳՆ պաշտոնական ներկայացուցիչ Մարիա Զախարովան ընդգծել է, որ այդ մատակարարումները հարվածի տակ են դնում խաղաղ բնակիչներին եւ ուղղված են ճգնաժամի ձգձգմանը։

Ամերիկյան կողմի տվյալներով՝ Ուկրաինան կստանա 155 միլիմետրանոց М864 կասետային ռումբեր փողավոր հրետանու, մասնավորապես՝ САУ М109 «Paladin»-ի եւ М777 հաուբիցների համար։

Կասետային զինամթերքն ապահովում է խոցման մեծ տարածություն, քանի որ «բացվում» է օդում եւ սուբզինամթերքներ ցրում։ М864 յուրաքանչյուր ական ունի 72 սուբզինամթերք՝ 48 M42 եւ 24 M46։ Առաջինները նախատեսված են հետեւակի, երկրորդները՝ զրահատեխնիկայի խոցման համար։

Այդ կասետներն ապահովված չեն ինքնաոչնչացման սարքերով։ Ամերիկացի զինվորականների տվյալներով՝ այդ զինամթերքների 5-14 տոկոսը կարող է ընդհանրապես չպայթել, քանի որ վաղուց մնացել է պահեստներում։ Այդ դեպքում դրանք կլինեն ականներ, որոնք կսպառնան քաղաքացիական բնակչությանն անգամ հակամարտության ավարտից հետո։

Աղբյուրը՝ news.am