Ակտիվիստները ներկայացնում են պարտադիր կուտակային կենսաթոշակային համակարգի բացթողումները

Պարտադիր կուտակային կենսաթոշակային համակարգի դեմ պայքարող ակտիվիստները դիմել են ընդդիմադիր քաղաքական գործիչների, որպեսզի նրանց աջակցությամբ այդ օրենքը վիճարկեն Սահմանադրական դատարանում, քանի որ, ակտիվիստների կարծիքով, օրենքում հակասահամանադրական կետեր կա: Այդ մասին այսօր՝ լրագրողների հետ զրույցի ժամանակ ասաց Հարություն Աղամալյանը:

Ըստ բանախոսի՝ Սահմանադրության համաձայն յուրաքանչյուր օրենք պիտի ուղղված լինի սոցիալական վիճակի բարելավմանը: Այս օրենքը, սակայն, նվազագույն աշխատավարձի վրա ադելու խատճառով, հակասահմանադրական է: Ըստ Սահմանադրության՝ քաղաքացին ինքն է տնօրինում սեփական միջոցները, բայց այս օրենքը պարտադրում է վճարել: Բանախոսը ներկայացրեց, որ չնայած կառավարությունն ասում է, որ այդ գումարը մարդկանց անձնական հաշվին է փոխանցվում, այնուամենայնիվ, քաղաքացին դա կարող է օգտագործել բացառապես անբուժելի հիվանդ լինելու դեպքում:

Մեկ այլ բացթողում էլ բանախոսը համարեց այն, որ մարդու՝ քաղաքացիությունը փոխելու դեպքում վտանգվում է նրա կուտակած գումարը ստանալը: Այսինքն, եթե մարդը փոխում է իր քաղաքացիությունը, պետությունն ասում է, թե այդ երկիր կոււղարկեն կուտակած գումարներ: Բանախոսը հարց տվեց՝ իսկ եթե այդ երկիրը նման համակարգ չունի՞:

Ակտիվիստն ասաց, որ իրենց գլխավոր նպատակը այն 260 000 մարդկանց, ում վերաբերելու է օրենքը, դրա վատ կողմերին ծանոթացնելն է, որպեսզի նրանք միասին պայքարեն: Աղամալյանի կարծիքով՝ մաիրդիկ չեն լռելու, երբ արդեն ցածր աշխատավարձ ստանան:

Մեկ այլ ակտիվիստ՝ Տիգրան Մարտիրոսյանը, հարցրեց, թե ինչ է նշանակում, երբ ստիպում են բարեկեցիկ ապրել, ո՞վ է երաշխավորելու, որ 30 տարի անց այդ գումարները վերադարձվելու են:

Ասուլիսի մեկ այլ բանախոս էլ՝ Հայկ Ավետիսյանն ասաց, թե միշտ ասում են 5 տոկոս է պահվելու, բայց այդ թիվը հինգ տոկոս չէ, այլ 6,6-13 տոկոս: Խոսելով մյուս երկրների մասին, ակտիվիստն աաց, որ ինքը լսել է 2 կամ 3 տոկոսի մասին, իսկ 5-ը շատ բարձր թիվ է: