Սուտասանը. Կոնգրեսականի հանդեպ հետաքննություն է սկսվել նրա կրթության եւ աշխատանքային փորձի մասին ստերի պատճառով

Ընտրված հանրապետական կոնգրեսականը Նյու Յորքում հետաքննության է ենթարկվել այն բանից հետո, երբ խոստովանել է, որ ստել է իր կրթության եւ աշխատանքային փորձի մասին, հայտնում է BBC-ն։

Շրջանի դատախազն ասել է, որ ինքը կանդրադառնա Ջորջ Սանտոսի ռեզյումեի «բազմաթիվ հորինվածքներին եւ անհամապատասխանություններին»:

Սանտոսի երդմնակալությունը տեղի կունենա հունվարի 3-ին:

The New York Times-ը հրապարակել է հետաքննություն, ըստ որի՝ Սանտոսը, որը Կոնգրեսում ընտրվել է նոյեմբերի միջանկյալ ընտրություններում, մի քանի անգամ ստել է իր ռեզյումեում։ Այդ թվում, նա ավարտել է Նյու Յորքի Բարուխ քոլեջը եւ աշխատել Ուոլ Սթրիթի հայտնի Goldman Sachs եւ Citigroup ընկերություններում:

Այս շաբաթվա սկզբին Սանտոսը խոստովանել է, որ երբեք ուղղակիորեն չի աշխատել որեւէ ընկերությունում եւ ստել է իր ռեզյումեում քոլեջն ավարտելու մասին:

Ինչ վերաբերում է իր հրեական ծագումը խեղաթյուրելու մեղադրանքներին, նա New York Post-ին տված հարցազրույցում ասել է, որ ինքը կաթոլիկ է եւ երբեք չի պնդել, որ հրեա է, բայց երբ «Ես իմացա, որ մորս կողմից հրեական ծագում կա, ասացի՝ ես հրեա եմ»։

Նրա կարծիքով՝ նա «հանցագործ չէ», եւ սկանդալը չի խանգարի նրան երկամյա ժամկետով ծառայել Ներկայացուցիչների պալատում։

Նորընտիր կոնգրեսականն առաջարկել է լրացուցիչ ուսումնասիրություն կատարել այն բանից հետո, երբ պարզվել է, որ նա թվիթերում հակասական պատմություններ է հրապարակել իր մոր մահվան վերաբերյալ:

2021 թվականի հուլիսին թվիթերից մեկում Սանտոսն ասել է, որ «9/11-ը խլել է մորս կյանքը»:

Մի քանի ամիս անց մեկ այլ գրառման մեջ նա գրել էր. «Այս տարվա դեկտեմբերի 23-ին լրանում է իմ լավագույն ընկերոջ եւ դաստիարակի կորստի 5-րդ տարելիցը»՝ նկատի ունենալով իր մորը։

Սանտոսի քարոզարշավի կայքում նշվում է, որ նրա մայրը 2001 թվականի սեպտեմբերի 11-ին եղել է Համաշխարհային առեւտրի կենտրոնի Հարավային աշտարակի գրասենյակում, սակայն ողջ է մնացել եւ մի քանի տարի անց մահացել է քաղցկեղից։

Շրջանային դատախազ Էնն Դոնելլին ասել է, որ Նյու Յորքում Սանտոսի ընտրատարածքի բնակիչները «պետք է ազնիվ եւ պատասխանատու ներկայացուցիչ ունենան Կոնգրեսում»:

Նյու Յորքի Արեւելյան շրջանի դատախազները նույնպես առանձին դաշնային հետաքննություն են սկսել, CBS News-ին հայտնել է աղբյուրը։

Բացի կենսագրության հետ կապված խնդիրներից՝ Սանտոսը բախվել է անձնական հարստության հետ կապված հարցերի եւ այն մասին, թե ինչպես է նա կարողացել 700 000 դոլար տրամադրել իր քարոզարշավին:

Ամերիկյան լրատվամիջոցները նաեւ հայտնել են, որ Նյու Յորքի գլխավոր դատախազ Լետիսիա Ջեյմսը «ուսումնասիրում է» Սանտոսի վերաբերյալ որոշ հարցեր։

Սանտոսը կոնգրեսական է ընտրվել Լոնգ Այլենդի եւ Քուինսի Նասաու շրջանից: