Աշխարհի ամենանիհար մարդիկ

Համաձայն Գինեսի ռեկորդների գրքի՝ աշխարհի ամենանիհար մարդը ապրել է 19-րդ դարում՝ Մեքսիկայում, նրա անունն էր Լուչիա Սարատե: 18 տարեկանում նա ունեցել է 43 սմ հասակ և կշռել է ընդհամենը 2,3 կգ: Նա այնքան փոքրամարմին ու նուրբ էր, որ, երբ չէր շարժվում, անծանոթները շփոթում էին տիկնիկի հետ: Երբ նա դեռ 12 տարեկան էր, նրան տարան ԱՄՆ, որտեղ, աշխատելով կրկեսում, կարճ ժամանակում ձեռք բերեց մեծ համբավ ու սկսեց մեծ գումարներ վաստակել՝ ժամում 20 դոլլար: Կրկեսում աշխատելու տարիներին նա սկսեց «չաղանալ» և հասավ մինչև 5,9 կգ: Բայց այդ ժամանակ էլ նրա կոնքի շրջագիծը հազիվ 15 սմ էր: Թերևս «փոքրիկ» Լուչիան կշարունակեր իր արգասաբեր կարիերան, եթե չմահանար դժբախտ պատահարից.նա բազմաթիվ մարդկանց հետ մահացավ ցրտահարությունից գնացքի մեջ, որ խափանվել էր լեռներում: Այդ ժամանակներից ի վեր ոչ ոքի չի «հաջողվել» գերազանցել Լուչիայի ռեկորդը, սակայն Տեխաս նահանգում ապրում է Լիզիի Վելասկես անունով մի աղջիկ, ով համարվում է մեր օրերի ամենանիհար մարդը: 23-ամյա Լիզիին 157 սմ է և կշռում է 28 կգ, սովորում է համալսարանում ու վարում ակտիվ կյանք: Զարմանալին այն է, որ աղջիկը չի տառապում անորեքսիայով, ավելին ստիպված է ուտել ամեն 15 րոպեն մեկ կալորիապես հարուստ ուտելիք: Օրական նա ընդունում է՝ավելի քան 8 000 կալորիա: Բժշկությունը այդպես էլ չի կարողանում գտնել նրա հիվանդության պատճառը: