Microsoft-ը պարտադրում է Windows 11-ում օգտագործել Edge բրաուզերը

Microsoft-ն արգելել է համակարգային հղումները բացել այլ բրաուզերներում, ֆիրմային Edge-ից բացի: Այս մասին հայտնում է The Register-ը։

Հեղինակները նկատել են, որ համակարգային հղումներին ավելացվել է «microsoft-edge://» նախդիրը, ինչի պատճառով բովանդակությունը կարող է երեւալ միայն Edge բրաուզերում։ Այսպիսով, օգտվողներին ստիպում են օգտվել ՕՀ-ում ներկառուցված ծրագրից: Միայն Edge-ի միջոցով բացվող հղումների թվում է «Կարգավորումներ», «Նորություններ», «Վիջեթներ» բաժինների բովանդակությունը:

Լրագրողները հիշեցրել են, որ ավելի վաղ օգտատերերը քննադատել էին նման գործառույթը։ Երրորդ կողմի մշակողները թողարկել էին մի քանի կոմունալ ծրագրեր, որոնք որսում եւ հեռացնում են «microsoft-edge://» նախդիրը, որպեսզի հղումը բացվի ցանկացած բրաուզերում:

Լրագրողները դիմել են բրաուզերի այլ արտադրողներին, որպեսզի մեկնաբանեն Edge-ի հարկադիր օգտագործման մասին լուրը: «Մարդիկ արժանի են ընտրության, պետք է հարգել բրաուզերի նրանց լռելյայն ընտրությունը»,- նշել են Mozilla ընկերությունում, որը աջակցում է Firefox նախագծին: «Microsoft-ը պետք է հասկանա, որ հակամենաշնորհային ծառայությունները միայն Google-ում, Facebook-ում եւ Apple-ում չեն նայում»,- նշել է Brave բրաուզերը մշակող թիմի ներկայացուցիչը:

Microsoft-ում չեն պատասխանել թերթի հարցմանը։