Արաբական երկրները որոշել են սեփական արբանյակ ստեղծել
ԱՄԷ-ում տիեզերքի հարցերին վերաբերող կոնֆերանսի ժամանակ Արաբական տասնմեկ երկրներ ստորագրել են համաձայնագիր տիեզերական ծրագիր մշակելու շուրջ համագործակցության մասին,-հաղորդում է Ինտեսֆաքսը:
«Այսօր Աբու Դաբիում տիեզերքի հարցերին վերաբերող կոնֆերասնի ժամանակ մենք ներկա էինք տիեզերքում համագործակցության հարցերով առաջին միջարաբական կառույցի մասին համաձայնագրի ստորագրման գործընթացին, որին մասնակցում է արաբական 11 պետություն»,-արեւմտյան լրատվամիջոցները մեջբերում են ԱՄԷ-ի փոխնախագահ եւ վարչապետ շեյխ Մուհամմեդ բեն Ռաշիդ Ալ Մաքթումի խոսքերը:
Ըստ նրա՝ միջարաբական կառույցի առաջին նախագիծը կդառնա «արբանյակը, որի շուրջ արաբական գիտնականները կաշխատեն այստեղ՝ ԱՄԷ-ում:»