Սերժ Թանկյանը ցավակցել է Նոր Զելանդիայում հրաձգությունից մահացածների հարազատներին
Պետական եկամուտների կոմիտեն անդրադարձել է մամուլի հրապարակումներից մեկին՝ ՊԵԿ աշխատակցի նշանակման վերաբերյալ:
««Ժամանակ» օրաթերթի «Հին գելերը» վերնագրով հրապարակման վերաբերյալ՝ ՀՀ պետական եկամուտների կոմիտեն անհրաժեշտ է համարում պարզաբանել, որ 2018թ. դեկտեմբերին ՊԵԿ օպերատիվ հետախուզության վարչության թափուր պաշտոնները համալրելու նպատակով հայտարարված մրցույթում Վահան Սողոմոնյանից բացի հաղթող են ճանաչվել նաև Գերասիմ Մկրտչյանը և Արմեն Օհանյանը:
Թերթի այն պնդումը, թե՝ «Արմեն Օհանյանը Շենգավիթի հարկային տեսչության պետի տեղակալ նշանակվելուց առաջ՝ այս տարվա փետրվարի 1-ին մասնակցել է Արմավիրի բաժնի պետի համար հայտարարված մրցույթին, սակայն հաղթող չի ճանաչվել» չի համապատասխանում իրականությանը, քանի որ ՕՀՎ մարզային թիվ 18 (Արմավիր) բաժնի պետի թափուր պաշտոնի համալրման համար անցկացված մրցույթի արդյունքներով հաղթող են ճանաչվել և՛ Ա. Օհանյանը, և՛ Վ. Սողոմոնյանը:
Շփոթմունք է առաջացնում նաև թերթի հետևյալ պնդումը, ըստ որի՝ «նույնը կրկնվել է Գերասիմ Մկրտչյանի դեպքում, ով նույն ժամանակահատվածում մասնակցել է ՊԵԿ օպերատիվ հետախուզական վարչության 6-րդ բաժնի պետի պաշտոնի համար հայտարարված մրցույթին, սակայն հաղթող է ճանաչվել կրկին Վահան Սողոմոնյանը», քանի որ ՕՀՎ ոլորտային թիվ 6 բաժնի պետի պաշտոնի համալրման համար անցկացված մրցույթի արդյունքներով Վ. Սողոմոնյանից բացի հաղթող է ճանաչվել նաև Գ. Մկրտչյանը:
Բայց, հաշվի առնելով, որ 2019թ. փետրվարի 6-ի ՀՀ վարչապետի N 99-Լ որոշման համաձայն ՊԵԿ հետաքննության և օպերատիվ հետախուզության վարչությունների միաձուլման հետևանքով ստեղծվել է ՊԵԿ հետաքննության և օպերատիվ հետախուզության վարչություն՝ մրցույթում հաղթող ճանաչված բոլոր մասնակիցները ՊԵԿ նախագահի հրամանով ընդգրկվել են հարկային ծառայության կադրերի ռեզերվում: Այնուհետև, 2019թ. փետրվարի 15-ի թիվ 1/598-Ա հրամանով Վահան Սողոմոնյանը նշանակվել է հետաքննության և օպերատիվ հետախուզության վարչության թիվ 6 (Սյունիքի և Վայոց ձորի մարզեր) բաժնի պետ, իսկ Գերասիմ Մկրտչյանը նշանակվել է հետաքննության և օպերատիվ հետախուզության վարչության թիվ 1 (Երևան քաղաք) բաժնի պետի տեղակալի պաշտոնում: Արմեն Օհանյանն էլ 2019թ. փետրվարի 21-ի ՊԵԿ նախագահի թիվ 1/645-Ա հրամանով նշանակվել է փոքր հարկ վճարողների հարկային տեսչություն-վարչության ընթացիկ հսկողության թիվ 6 (Շենգավիթ) բաժնի պետի տեղակալի պաշտոնում:
Հետևաբար, մրցույթներում հաղթած վերոհիշյալ երեք անձանց համապատասխան պաշտոնների նշանակումը կատարվել է օրենքով սահմանված կարգով»,- ասված է ՊԵԿ հաղորդագրության մեջ: