«Վերածնունդ» ծրագրի հարցը լուծվե՞ց․ կառավարությունն ընդունեց երիտասարդ ընտանիքների բնակարանային վարկերի պայմանները թեթևացնող որոշումը (տեսանյութ)
Հայաստանի կառավարությունն այսօր ընդունեց երիտասարդ ընտանիքներին մատչելի հիպոտեկային վարկեր տալու ծրագրի պայմանները թեթևացնելու մասին որոշում։ Այսուհետ երիտասարդների տարիքային շեմը հանվում է, և միակ շեմը լինում է այն, որ ընտանեկան զույգի տարիքների գումարը չանցնի 70 տարին։
Սրա վերաբերյալ վարչապետ Նիկոլ Փաշինյանը կատակեց, որ այսուհետ երիտասարդ կհամարվեն նաև 50 տարեկանները, եթե ամուսանացած լինեն 20 տարեկանի հետ։
Որոշման նախագծով նաև սահմանվեց, որ վարկերի տոկոսադրույքները և կանխավճարների տոկոսները նվազեցվելու են, իսկ վարկի տրամադրման ժամկետը հասցվելու է մինչև 30 տարվա։
Վարչապետը հարցրեց՝ սրանով «Վերածնունդ» ծրագրի խնդիրը լուծվե՞ց։ Ու ստացավ դրական պատասխան։