на Русском
Փաշինյանն ու Աննա Հակոբյանը ներկա են գտնվել Հ... 
Հրդեհ՝ Սիլիկյան թաղամասում 
Այդ փաստաթղթի մեջ չկա կոնկրետ թիվ, որ այսքան մարդ պետք է կրճատվի. Ատոմ Ջանջուղազյանը՝ Արփինե Հովհաննիսյանին (տեսանյութ)
Մենք որևէ բան երբեք չենք պատրաստվել թաքցնել, հիմա էլ չենք պատրաստվում որևէ բան թաքցնել: Այս մասին ասել է ՀՀ ֆինանսների նախարար Ատոմ Ջանջուղազյանը՝ խոսելով պետական ծառայողների օպտիմալացման մասին:
Հարցին, հիշեցնենք, անդրադարձել էր ԱԺ նախկին փոխնախագահ Արփինե Հովհաննիսյանը: Նա հրապարակել էր նախարարին ու վարչապետին այս մասով հղած նամակների պատասխանները՝ նշելով, որ տուժվում է 10000 ՀՀ քաղաքացի:
«Այդ փաստաթղթի մեջ չկա կոնկրետ թիվ նշված, որ այսքան մարդ պետք է կրճատվի, ընդամենը ձևակերպումը վերաբերում է նրան, որ անգամ եթե խոսքը վերաբերի այսպիսի հնարավոր ելքի, միևնույնն է՝ պետք է համեմատել այդ թիվը և մնացած թիվը, ովքեր կարող են շահել այդ թվի հարաբերական կամ պայմանական ասած՝ տուժելուց, ընդ որում՝ դա փակագծերի մեջ է ներառված ,և դա չի կարող վերաբերվել նրանց, ովքեր արդյունք են ստեղծում»,-ասել է նա:
Նախարարի խոսքով՝ այդ փաստաթղթի նպատակն ամենևին կրճատումների վրա կենտրոնացումը չէ. «Ընդհակառակը, դա շատ լավ արտահայտված և նկատելի տեղում դրված էր կառավարության ծրագրում, թե ինչպիսի գործընթաց է նախատեսվում իրականացնել կառավարումը օպտիմալ դարձնելու ուղղությամբ»,-ասել է նա:
Ջանջուղազյանի խոսքով՝ իրենք եղած միջոցները փորձում են օգտագործել ավելի արդյունք ստանալու համար: «Հարցը փողը խնայելը չէ, այլ ծախսվող փողի դիմաց առավելագույն արդյունք ստանալու խնդիր է փորձ արվում լուծել այս գործողությամբ, և պետք է բոլորը համախմբվեն այս գաղափարի շուրջ՝ անկախ նրանից, թե որ կողմից ենք հարցին նայում: Մեր երկրում շատ դժվարությամբ գեներացված եկամուտները, որոնք պետբյուջեն ստանում է, պետք է օգտագործվեն առավելագույնս արդյունավետ»,-նկատել է Ջանջուղազյանը:
Նախարարը նաև անդրադարձել է այն դիտարկմանը, թե արդյոք հանգիստ են վերաբերվում նրան, որ մարդիկ կրճատվում են. «Իհարկե, հանգիստ չենք վերաբերվում, բայց պետք է կարողանանք որոշումներ կայացնել, արդյոք գնում ենք նեղ անձնային, խմբային շահեր սպասարկելու, թե ճիշտ հակառակը, դրանք մեծամասնության շահին ստորադասելու ճանապարհով. սա ընտրություն է, որը պետք է կայացնել»:
Ատոմ Ջանջուղազյանը նշել է, որ կառավարման ապարատի աճը տարիների ընթացում տարբեր գործոններով է պայմանավորված եղել, որի մասին մշտապես խոսում են, և, ի վերջո, իրենք են փորձում այդ ընտրությունը կատարել:
