Համա նահանգում սիրիական բանակը հակահարված է հասցրել ահաբեկիչներին. կան զոհեր
Ռազմական աղբյուրը հայտնել է, որ կիրակի՝ մարտի 3-ին, ժամը 01.30-ին Համա նահանգի հյուսիսում՝ դեպի Ալ-Մասասնա տանող հատվածում, զինված խոշոր ահաբեկչական խմբավորումները, օգտվելով եղանակային վատ պայմաններից, հարձակվել են մի շարք ռազմական տարածքների վրա՝ տարատեսակ զենք կիրառելով Ալ-Մադաջեն, Զոր Ալ-Հեյսա եւ Հիրբեթ-Մաարին բնակավայրերում բանակի դիրքերի ուղղությամբ կրակ արձակելով, հաղորդում է ՍԱՆԱ-ն:
Զինվորականները քաջաբար հակահարված են տվել հարձակմանը՝ ահաբեկիչներին հասցնելով մեծ մարդկային եւ տեխնիկական կորուստներ: Սպանվածներից մի քանիսին ահաբեկիչներն իրենց հետ են տարել նահանջելու ընթաքում, մյուսների դիերը մնացել են մարտի դաշտում:
Զինծառայողների շրջանում եւս կան զոհեր ու վիրավորներ:
ՍԱՀ-ի Բանակի եւ Զինված ուժերի գերագույն հրամանատարությունը նախազգուշացնում է, որ մի շարք շրջաններում մարտական պատրաստվածության նվազումը չի նշանակում, որ ահաբեկիչները ռազմական դիրքերի եւ խաղաղ բնակավայրերի վրա կրկին հարձակվելու փորձ չեն կատարի:
Հրամանատարությունը հավաստիացնում է, որ Սիրիայի բանակը պատրաստ է շարունակել պայքարն ահաբեկիչների դեմ մինչեւ լիարժեք հաղթականը:
Համա նահանգի հյուսիսում՝ Ալ-Համրա, Բաբ աթ-Թաքա, Քալաաթ-Ալ-Մուդիկ եւ Աթ-Թվեյն բնակավայրերում, բանակային ստորաբաժանումները հասցրել են լայնածավալ հրետանային եւ հրթիռային հարվածներ ահաբեկիչների շտաբերի ուղղությամբ:
Ռազմական աղբյուրը հայտնել է, որ ժամը 16:30-ին ահաբեկիչների խումբը հարձակում է գործել Սիրիայի բանակի դիրքերի վրա, որոնք տեղակայված էին Ջեբալ Ալ-Քալա շրջանում՝ Լաթաքիա նահանգի հյուսիսում: Ահաբեկիչները կիրառում էին խոշոր տրամաչափի գնդացիրներ, ինչպես նաեւ ականանետեր եւ հրթիռներ: Սիրիական բանակի զինվորների զգոնությունը մեծ դեր է ունեցել տվյալ հարձակմանը հակահարված հասցնելու գործում: Թշնամին մեծ կորուստներ է կրել: