Հանրապետության 7 դպրոց կհիմնանորոգվի. 3-ը՝ Երևանում, 4-ը՝ մարզերում. Կառավարություն (տեսանյութ)
Համաշխարհային բանկի «Կրթության բարելավում» ծրագրի և պետության համաֆինանսավորմամբ՝ 2019 թ․ կեսից հանրապետության 7 ավագ դպրոց կհիմնանորոգվի՝ 3-ը՝ մայրաքաղաքում, 4-ը՝ մարզերում։ Այս մասին տեղեկացնում են Կառավարությունից։ Ծրագրի արժեքը 9 մլն դոլար է։
«Մարզային փռվածությունն ենք հաշվի առնել, նաև՝ ծանրաբեռնվածությունը, եզակիությունը։ Երկու տարի հետո, ըստ էության, ավագ դպրոցների 15 տոկոսի դեպքում կունենաք շատ լավ պայմաններ»,-ասել է ԿԳ նախարար Արայիկ Հարությունյանը։