Կենդանաբանական այգու տնօրինությանը այգին պետք է առանց կենդանիների. Կենդանասերների նախաձեռնող խմբի բողոքը

«Երբ Ռուբեն խաչատրյանն եկավ, սկսեց իր սպանդը՝ հին աշխատողներից ընդհուպ կենդանիները, հին աշխատող չի լինի, կենդանաբանական այգում էլ լինելու են ՀՀ-ում գտնվող կենդանիներ և թռոչուններ»,- Երևանի քաղաքապետարանի առջև ընթացող բողոքի ակցիայի ժամանակ հայտարարեց այգու նախկին աշխատակից Արման Խանամիրյանը:

Կենդանասերների նախաձեռնող խմբի անդամները կարծում են, որ կենդանաբանական այգու տնօրինությանը հարկավոր են ոչ թե կենդանիները, այլ տարածքը, այդ պատճառով էլ տեղի է ունենում սպանդ:

«Էդ գործընթացը լինում է տարածքի համար, այգին պետք է առանց կենդանիների, Ռուբեն Խաչատրյանը հայտարարեց՝ մոր և մանկան այգի է լինելու, փիղ, առյուծ պետք չեն, մենք ստորագրահավաք արինք, 70 հոգի, քաղաքապետարանից ցուցակը գնաց հետ: Սաֆարի՞ ենք սարքում, ինքը կարա՞ սարքի, այգին նայում ենք, կենդանի չկա, կինոնկարահանման տարածք է»,-ասաց անասնաբույժ-փորձագետ Խանամիրյանը:

Այգու բարեկարգման վրա 2 մլրդ դրամ է ծախսվել, բայց ընդամենը կառուցվել է երեք ազատավանդակ, նախկին աշխատակիցները վստահ չեն, որ գումարն ամբողջությամբ նպատակին է ծառայել:

Ակվատերարիումի բաժնի նախկին ղեկավարը կենդանիների նկատմամբ վերաբերմունքը ցույց տալու համար մի օրինակ բերեց՝ ասելով.

«18 հատ օձ է ծնվել, ասել եմ նայեք, տնօրենը դեմքը խոժոռեց ասաց՝ արծիվները ուտո՞ւմ են օձեր, ասում է՝ չե՞նք կարա հանենք, տանենք լցնենք արծիվների առջև»,- պատմեց նա:

Նրանք նաև համոզված են` առյուծները սպանվել են արու լինելու պատճառով:

«Ինչո՞ւ են առողջ առյուծներին սպանում, տանում, թաքուն Ուրցաձորում թաղում»,- ասաց նախկին աշխատակիցներից մեկը:

Նրանք վստահեցրել են, որ քանի դեռ այս վերաբերմունքը շարունակվում է Երևանի կենդանաբանական այգու տնօրինության կողմից, իրենք չեն դադարեցնելու իրենց բողոքի ակցիաները: