94 տարեկանում կյանքից հեռացել է «Մյուզիքլների արքա» Սթենլի Դոնենը
Մյուզիքլների հանրաճանաչ հոլիվուդյան ռեժիսոր, 1950-ականների կուլտային «Անձրեւի տակ երգողները» մյուզիքլի համառեժիսոր Սթենլի Դոնենը մահացել է 94 տարեկան հասակում, հաղորդում է Hollywood Reporter-ը:
Նրա որդիներ Ջոշուա եւ Մարկ Դոնենները հայտնել են Associated Press գործակալությանը, որ իրենց հայրը մահացել է սրտի կաթվածից հինգշաբթի Մանհեթենում:
Սթենլի Դոնենը Հոլիվուդի հիմնասյուներից մեկն էր, որի ներդրումն ամերիկյան մյուզիքլում իսկապես անգնահատելի է:
Նրա առավել հայտնի գործերից են «Թագավորական հարսանիքը», «Յոթ հարսնացու յոթ եղբայրների համար», «Զվարճալի մռութիկը»:
1998 թվականին հայտնի ռեժիսորն արժանացել է «Օսկար» մրցանակի «նրբագեղ, էլեգանտ, սրամիտ եւ վիզուալ նորարարությամբ տարբերվող աշխատանքի համար»: