«Նուբարաշեն» ՔԿՀ-ի կալանավորին գտել են կախված վիճակում
ԱՆ «Նուբարաշեն» ՔԿՀ-ի կալանավոր Մ.Պետրոսյանն ինքնասպան է եղել։ Այս մասին հայտնել է ՔԿՎ հանրային կապերի բաժնի պետ Նոնա Նավիկյանը։
Նրա խոսքով՝ 1965թ.-ին ծնված Մ.Պետրոսյանի դին հայտնաբերվել է սավանից ինքնաշեն եղանակով պատրաստված պարանով խցի պատուհանի ճաղավանդակից կախված վիճակում:
«Փաստի կապակցությամբ ՀՀ քննչական կոմիտեի Էրեբունի և Նուբարաշեն վարչական շրջանների քննչական բաժնում հարուցվել է քրեական գործ»,- շարունակեց Նավիկյանը։ Նախնական տեղեկություններով՝ բռնության հետքեր չեն հայտնաբերվել։
Վերջինս տեղեկացրեց, որ Մ.Պետրոսյանը մեղադրվում էր ՀՀ քրեական օրենսգրքի 138-րդ հոդվածի 3-րդ մասի 2-րդ կետով, այսինքն՝ բռնաբարության հոդվածով։