18 Փետրվար, 2019 16:08

Վաշինգտոնի հայ համայնքը բողոքի ակցիա է անցկացրել Ադրբեջանի դեսպանատան մոտ. (լուսանկարներ)

18 Փետրվար, 2019 16:08 Ֆոտո

Հայկական երիտասարդական ֆեդերացիան բողոքի ակցիա է անցկացրել Վաշինգտոնում Ադրբեջանի դեսպանատան մոտ՝ արդարություն պահանջելով Սումգայիթի, Կիրովաբադի, Բաքվի և Մարաղայի՝ 1988-1992թթ. տեղի ունեցած ջարդերի համար:

Ինչպես նշում է Asbarez-ը, ակցիան նվիրված է եղել նաև 2004թ. ՆԱՏՕ-ի դասընթացներին մասնակցելու նպատակով Բուդապեշտ մեկնած հայ սպա Գուրգեն Մարգարյանի՝ դավադիր ադրբեջանցի Ռամիլ Սաֆարովի կողմից իրականացված դաժան սպանության 15-րդ տարելիցին:

Նշվում է, որ բողոքի ակցիային Հայկական երիտասարդական ֆեդերացիայի ներկայացուցիչներից բացի մասնակցել են Վաշինգտոնի հայ համայնքի անդամները:

Մասնակիցները ծածանել են Արցախի դրոշը ու Արցախի ինքնորոշման իրավունքի վերաբերյալ պաստառներ:

Նրանք իրենց աջակցությունն են հայտնել Արցախի Հանրապետության ազատության և անվտանգության գաղափաներին, ինչպես նաև մտահոգությունն այն առնչությամբ, որ Հայաստանի և Արցախի Հանրապետությունների նկատմամբ գործադրվող ճնշումն ավելանում է տարածքների զիջում պահանջող Մադրիդյան սկզբունքներն ընդունելու հարցում:

Նշվում է, որ ակցիայի ժամանակ մասնակիցներն աղոթել են հիշյալ ջարդերի զոհերի և Գուրգեն Մարգարյանի հոգու հանգստության համար:

Holy Cross Armenian Church pastor Fr. Sarkis Aktavoukian leads a prayer in memory of the victims of the anti-Armenian pogroms in Sumgait, Kirovabad, Baku, and Maragha and all those who lost their lives in defense of Artsakh freedom.

AYFers teaching the next generation to lead community calls for justice during the protest demanding justice for the anti-Armenian pogroms in Sumgait, Kirovabad, Baku, and Maragha.

Greater Washington DC community members demand justice for the anti-Armenian pogroms in Sumgait, Kirovabad, Baku and Maragha at the February 17th protest organized by the Washington, DC AYF Ani Chapter

Վաշինգտոնի հայ համայնքը բողոքի ակցիա է անցկացրել Ադրբեջանի դեսպանատան մոտ. (լուսանկարներ)

Այս թեմայով