Բոլոր դեպքերում աշխատելը ավելի լավ է չաշխատելուց․ Փաշինյան
Հայաստանում շատ մարդիկ աշխատանքի չեն ընդունվում, քանի որ համարում են, որ իրենց աշխատանքային իրավունքները կխախտվեն այդպիսի դեպքերում։ Ազգային ժողովում կառավարության ծրագրի քննարկման ժամանակ պատգամավորներից մեկն այսպիսի մտահոգություն հայտնեց վարչապետին ուղղված հարցի մեջ։
Վարչապետը պատասխանեց, որ զարգացած երկրներում գործընթացը սկսվել է նրանից, որ մարդիկ սկսել են աշխատել, հետո ստեղծել են արհմիություններ և դրանց միջոցով սկսել պաշտպանել իրենց իրավունքները, որովհետև այլ դեպքում այս խնդրին լուծում չկա։
«Ինչպե՞ս պետք է կառավարությունը լուծի թափուր աշխատատեղի աշխատանքային իրավունքների հարցը։ Այստեղ էլ գործընկերության խնդիր կա։ Այսինքն, եթե աշխատողը չի զբաղվում իր իրավունքների պաշտպանությամբ, կառավարությունը ո՞նց պետք է զբաղվի … Իմ գնահատականը հետևյալն է, որ բոլոր դեպքերում աշխատելը ավելի լավ է չաշխատելուց»,- ասաց Փաշինյանը։