ՊՆ-ն փնտրում է Հայրենական մեծ պատերազմի մասնակիցների նկարները
Հայրենական մեծ պատերազմում տարած հաղթանակի հերթական տարեդարձին ընդառաջ ՀՀ պաշտպանության նախարարությունը դիմում է պատերազմի մասնակից վետերանների հարազատներին:
Մերձմոսկովյան «Պատրիոտ» պուրակում կառուցվող Հայրենական մեծ պատերազմում տարած հաղթանակին նվիրված տաճարի «Հիշատակի ուղի» ցուցադրությունների շարքում ներառելու համար անհրաժեշտ են պատերազմի վետերանների թվայնացված լուսանկարները (JPEG ֆորմատով) և նրանց կենսագրական տվյալները (անուն, ազգանուն, հայրանուն, ծննդյան/մահվան ամիս-ամսաթիվ, այլ տվյալներ):
Լուսանկարները և տվյալները պաշտպանության նախարարությունը խնդրում է ուղարկել [email protected], [email protected] հասցեներին` կատարելով «1941-1945» նշումը:
Հիշեցնենք, որ Մոսկվայում Հայաստանի պաշտպանության նախարարի և Ռուսաստանի պաշտոնակցի հանդիպման ընթացքում Սերգեյ Շոյգուն Դավիթ Տոնոյանին շնորհակալություն էր հայտնել իրենց խնդրանքին արձագանքելու համար ու խնդրել էր արագացնել նկարները փոխանցելու աշխատանքը։