Լապշինը իր հայտնի կարմիր բաճկոնը կցուցադրի Երևանում
Ռուս-իսրայելցի բլոգեր Ալեքսանդր Լապշինը պատմել է իր կարմիր բաճկոնի մասին, որը նրա հագին է եղել Բելառուսից Ադրբեջան տեղափոխվելիս:
«Այդ բաճկոնը չի լվացվել այն ժամանակից ի վեր, երբ ես դրանով նստել էի Ադրբեջանի նախագահի 4K-AZ888 համարանիշով անձնական ինքնաթիռը: Այդ ինքնաթիռով թռչել է ոչ միայն Ալիևը, այլև նրա մտերիմներն ու համախոհները (ի դեպ, նրա դստեր` Արզուի անունով է գրանցված Silk Airlines ընկերությունը, այլ կերպ ասած` նախագահական պարկը)»,- ֆեյսբուքյան իր էջում գրել է Լապշինը:
Բլոգերը նաև հավելել է, որ իր կարմիր բաճկոնը ցուցադրվելու է Երևանում` ի տես բոլոր ցանկացողներին: Այդ բաճկոնը Facebook-ում նաև առանձին էջ ունի: