11 Փետրվար, 2019 16:12

Հիտլերի՝ աճուրդի հանված կտավների համար գնորդ չի գտնվել (լուսանկարներ)

11 Փետրվար, 2019 16:12 Աշխարհ

Գերմանական Weidler աճուրդի տանը չի հաջողվել Նյուրնբերգ քաղաքում վաճառել ֆաշիստական Գերմանիայի առաջնորդ Ադոլֆ Հիտլերի՝ աճուրդի հանված հինգ կտավը, քանի որ գնորդների շրջանում առանձնակի հետաքրքրություն չի եղել:

Ինչպես նշում է BBC-ն, կտավներից բացի աճուրդի էին հանվել ֆյուրերի անձնական իրերը, այդ թվում՝ սվաստիկայի նշանով ծղոտե աթոռն ու մի ծաղկաման:

Աղբյուրը մանրամասնում է, որ իրավապահները նախորդ շաբաթ առգրավել էին նմուշների մի մասը, ինչից հետո հետաքննություն է սկսվել՝ պարզելու դրա իսկությունը: Լուրջ կասկածներ կան առ այն, որ կտավներն ու մյուս նմուշները կեղծ են:

Հիտլերը, որը երկու անգամ դիմել է, սակայն չի ընդունվել Վիեննայի Բարձր արվեստների ակադեմիա, երիտասարդ տարիքում նկարչությամբ է զբաղվել և վաճառել է իր կտավները: Սակայն, ոլորտի փորձագետների կարծիքով, նա առանձնակի տաղանդ չի ունեցել, իսկ նրա աշխատանքներն էլ ցածրորակ են գնահատվել: Այնուհանդերձ, դա չի խանգարել աճուրդի տներին տարիների ընթացքում հարյուր հազարավոր եվրոների եկամուտ ստանալ նացիստական առաջնորդի կտավների վաճառքից:

Գերմանիայում օրենքով արգելված է նացիստական խորհրդանիշների հանրային ցուցադրությունը. բացառություններ են արվում միայն կրթական կամ պատմական համատեքստում:

Բացի այդ, Հիտլերին առնչվող իրերի աճուրդները միշտ էլ հրապարակավ քննադատվում են հանրության լայն շերտերի կողմից:

Accompanying the paintings was also a swastika-embellished wicker chair and a china pot, both thought to once belong to the infamous dictator 26 artworks were withdrawn by the auction house on Wednesday, after concerns were raised about their authenticity 63 artifacts with 'A. Hitler' or 'A.H' were seized from the Weidler auction house over fraud concerns. More than 95% of all art listed as Hitler's is thought to be fake Hitler would regularly paint simple landscapes, particularly during the years 1908 and 1913 The Austrian-born fascist failed however to garner any significant artistic acclaim

Հիտլերի՝ աճուրդի հանված կտավների համար գնորդ չի գտնվել (լուսանկարներ)

Այս թեմայով