Հայաստանի քաղաքացիական հասարակության աջակցությունը կենսականորեն անհրաժեշտ է երկրին․ Սորոս
Հայտնի միլիարդատեր, Բաց հասարակության հիմնադրամների (Open Society Foundations) հիմնադիր Ջորջ Սորոսը Twitter-ի իր միկրոբլոգում կատարել է գրառում, որով Հայաստանում ժողովրդավարության զարգացման իր տեսլականն է արտահայտել։
«Հայաստանում քաղաքացիական հասարակության հզոր աջակցությունը կենսականորեն անհրաժեշտ է երկրի ժողովրդավարական ներկայի եւ ապագայի համար»,- գրել է նա։
Ընդ որում, Սորոսը թողել է «Ինչպես ԱՄՆ-ը կարող է սատարել Հայաստանի երիտասարդ ժողովրդավարությանը» հոդվածի հղումը, որի հեղինակը լրագրող Տաթեւիկ Խաչատրյանն է։ Այն հրապարակվել է հունվարի 16-ին՝ Open Society Foundations-ի կայքում։ Հոդվածում հեղինակը, մասնավորապես, խոսում է թավշյա հեղափոխությունից հետո Հայաստանի հետագա զարգացման հնարավորության մասին։