Խառը ծեծկռտուք Քաշաթաղում՝ 11 մարդու մասնակցությամբ. Բաժանողը վայր է ընկել ու ճակատով հարվածել քարերին
Հունվարի 29-ին Արցախի ոստիկանության Քաշաթաղի շրջանային բաժնի ծառայողները պարզել են, որ ս.թ.հունվարի 28-ին Աղավնո գյուղի հարակից տարածքում վիճաբանություն է տեղի ունեցել մի կողմից Բերձոր քաղաքի բնակիչներ՝ 1988թ.ծնված Ա. Ա-ի, 1986թ.ծնված Ա. Ա-ի ու ՀՀ Սյունիքի մարզի բնակիչներ՝ 1991թ.ծնված Հ. Մ-ի,1989թ.ծնված Ս. Հ-ի, 1994թ. ծնված Հ. Ս-ի և 1994թ.ծնված Ռ. Մ-ի, իսկ մյուս կողմից Բերձոր քաղաքի բնակիչներ՝ 1990թ.ծնված Ա. Հ-ի,1982թ.ծնված Վ.Զ-ի,1974թ.ծնված Գ. Ս-ի, 1977թ.ծնված Ա. Մ-ի և 1976թ.ծնված Ա. Տ-ի միջև, որի ընթացքում կողմերը ձեռքերով և ոտքերով հարվածներ են հասցրել միմյանց, ինչի հետևանքով պատճառվել էր մարմնական վնասվածքներ։
Վիճաբանողներին բաժանելու ընթացքում Բերձոր քաղաքի բնակիչ, 1987թ.ծնված Ա.
Մ-ն ոտքը սայթաքելու հետեւանքով վայր է ընկել գետնին և ճակատով հարվածել քարերին:
Նշանակվել է դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: