Ծխելն արգելող օրինագիծը կարող է հարվածել զբոսաշրջությանը Հայաստանում
Հայաստանի առողջապահության նախարարության աշխատակիցը հաղորդել է, որ հոկտեմբերին և նոյեմբերին տեղի են ունեցել հանրային քննարկումներ, որոնց մասնակցել են շահագրգիռ կողմերը և հաշվի են առնվել հասարակական վայրերում ծխելու արգելքի բոլոր դրական և բացասական կողմերը: Սակայն դա այդպես չէ: Հունվարի 21-ին լրագրողների հետ հանդիպման ժամանակ հայտարարեց գործարար Ժորա Փանոսյանը՝ մեկնաբանելով Առողջապահության նախարարության առաջարկած ռեզոնանսային օրինագիծը` կապված հանրային վայրերում ծխելու արգելքի մասին, ինչպիսիք են ռեստորանները, սրճարանները և նույնիսկ զրուցարանները:
Փանոսյանի խոսքերով, առողջապահության նախարարության շենքի դիմաց հավաքվածները, ովքեր բողոքարկում են այդ ոչ միանշանակ որոշման դեմ, Առողջապահության նախարարության ներկայացուցչին հայտնել են, որ զրուցարանների գործելու հարցում իրենք հենց շահագրգիռ կողմն են, սակայն իրենց հետ որևէ քննարկում չի եղել: «Ոչ ոք մեզ ոչինչ չի հարցրել: Ոչ ոք մեզ հետ սեղան չի նստել և նույնիսկ չի տեղեկացրել դրա մասին: Մենք ծանոթացանք այս օրինագծին և փորձում ենք դրա դեմ պայքարել», - պարզաբանել է Փանոսյանը:
Միևնույն ժամանակ, ինչպես նշել է գործարարը, Առողջապահության նախարարության աշխատակիցը հավաստիացրել է նրանց, որ այս հարցի շուրջ քննարկումներ կրկին կանցկացվեն և իրենց կհրավիրեն որպես մասնակիցների, սակայն բողոքի ակցիայից 2-3 ժամ հետո, ՀՀ առողջապահության նախարարի տեղակալը, խոսելով լրագրողների հետ, ասաց. որ այս հարցի շուրջ հանրային քննարկումներն արդեն անցել են, և ներկայացված են բոլոր շահագրգիռ կողմերը:
Ժորա Փանոսյանը նշել է, որ ակնկալում են ստանալ Կառավարության, Պետական եկամուտների կոմիտեի աջակցությունը՝ հավելելով, որ եթե տվյալ օրինագիծն ընդունվի, ապա դա կարող է հարված հասցնել երկրի առանց այդ էլ բարդ սոցիալ-տնտեսական իրավիճակին, քանի որ հազարավոր մարդիկ կկորցնեն իրենց աշխատանքը: «Երկրորդ, պետբյուջեն կստանա ավելի քիչ ֆինանսական ռեսուրսներ: Երրորդ` այն կհարվածի զբոսաշրջությանը: Այսինքն, այն հարված կհասցնի Հայաստանի զբոսաշրջային գրավչությանը: Չորրորդ, դա կհարվածի Հայաստանում ներդրումներին, ինչի մասին սյդքան խոսում են», - համոզված է գործարարը: