Վրաստանը կարմրուկի «էպիդեմիկ պայթյունի» շեմին
Վրաստանում դեռևս H1N1-ը չհաղթահարած՝ արագորեն կարմրուկի վիրուսն է
տարածվում: Վրաստանի Հիվանդությունների վերահսկման և կանխարգելման
կենտրոնի հայտարարությաբ՝ կարմրուկի նոր բռնկում է սկսվել: Արդեն
աձանագրվել է վարակի 335 դեպք: Մասնագետների գնահատմամբ՝ դա էպիդեմիկ
պայթյունավտանգ իրավիճակ է ստեղծել:
Սա Վրաստնում կարմրուկի բռնկման առաջին դեպքը չէ: 2018-ի
հունվար-փետրվար ամիսներին հիվանդացության ավելի քան 370 դեպք էր գրանցվել:
Ոլորտի պատասխանատուները հայտարարել էին՝ «ոչինչ չունենք թաքցնելու,
համաճարակ է»։
Կարմրուկի համաճարակ եղել է նաև 2004-2005 թվականներին, այն ժամանակ
մինչև 14 500 մարդ էր հիվանդացել, 9-ը՝ մահացել: Դրանից հետո երկրում
կարմրուկի դեմ պայքարի ակտիվ աշխատանքներ են ընթացել:
Հիվանդությունների վերահսկման և կանխարգելման ազգային կենտրոնի գիտական
բաժնի փոխտնօրեն Պաատա Իմնաձեի հայտարարությամբ՝ «2018թ ողջ ընթացքում
հիվանդությունը տարածված էր, վերջին երկու շաբաթվա ընթացքում այդ թիվն
անցնում է 335-ը»:
Կարմրուկը սուր վարակիչ հիվանդություն է, փոխանցվում է
օդակաթիլային ճանապարհով կամ բացառապես հիվանդի հետ ուղիղ շփմամբ:
Կարմրուկը համարվում է հատկապես երեխաների հիվանդություն, սակայն
վարակվելու վտանգն առկա է ցանկացած մարդու մոտ, եթե վերջինս պատվաստված չէ,
կամ երբևէ չի հիվանդացել կարմրուկով: Առաջին ախտանշաններն են՝ բարձր
ջերմություն է ու ցան:
Վիճակագրական տվյալներով՝ կարմրուկի հիվանդացության 30 տոկոսն է
ընթանում է բարդություններով: Զարգացած երկրներում կարմրուկի 1000 դեպքից
1-ն է մահվան ելքով ավարտվում, իսկ զարգացող երկրներում այդ թիվը ավելի է:
«Ոչինչ չի կարող կանգնեցնել հիվանդությունը, եթե մարդիկ չպատվաստվեն: Խնդրին հատկապես պետք է ուշադր լինեն 20-40 տարիքային խմբի ներկայացուցիչները, այդ պատճռով հենց մարդկանց այդ խմբին ենք խնդրում ճշտել՝ պատվաստվա՞ծ են արդյոք»,- ասել է Իմանաձեն՝ խորհուրդ ատլով պատվաստումներով կանխել վարակը:
Պատվաստումը կարմրուկի կասեցման միակ արդյունավետ միջոցն է: Ըստ պատվաստումների ազգային օրացույցի՝ այն պարտադիր կատարվում է 1-5 տարեկանում, սակայն թույլատրվում է նաև այլ տարիքում:
Եթե համոզված չեք, որ պատվաստված եք, ստուգեք բժշկական պատմությունը, դիմեք ընտանեկան բժշկին և պատվաստվեք:
Կարմրուկը փոխանցվում է հեշտությամբ: Ցանկացած մարդ, որ կարմրուկով չի հիվանդացել, կամ դրա դեմ չի պատվաստվել, 90 տոկոս հավանականությամբ, կհիվանդանա:
Վարակն իրականացվում է սահմանափակ ժամանակաշրջանում՝ հիվանդության գաղտնի շրջանի վերջին 2 օրը և ցանը դուրս գալու մինչև 4-րդ օրը, որից հետո հիվանդները վտանգ չեն ներկայացնում շրջապատի նկատմամբ։
Մասնագետները պնդում են, որ պատվաստումն անվտանգ է: Այսօրվա դրությամբ՝ այն կիրառվում է ավելի քան 150 երկրներում: Երիտասարդ կանանց մինչև հղիությունը, հղիության ընթացքում պատվաստվելը վտանգավոր է»,- ասում է Իմնաձեն:
Հարկ է նշել, որ Վրաստանի կառավարության որոշմամբ այս օրերին կարմրուկի դեմ պատվաստումն անվճար է։