на Русском
Այսօր մենք պետք է անենք ավելին, քան պարզապես ... 
Հեռախոսազրույցի ընթացքում հորս ասածներից մենք... 
Դատարանին պետք է խնդրենք սկզբից գրավի հարցը քննարկել. Քոչարյանի փաստաբան
Երևանի ընդհանուր իրավասության դատարանում ընթանում է ՀՀ երկրորդ նախագահ Ռոբերտ Քոչարյանի գործով դատը: Քոչարյանի պաշտպաններից Արամ Օրբելյանը լրագրողների հետ զրույցում հայտնեց, որ այսօր դատարանը հնարավոր է՝ սկզբում քննի Քոչարյանին գրավի դիմաց կալանքից ազատելու հարցը:
Նշենք, որ Հատուկ քննչական ծառայությունն էլ միջնորդել է Ռոբերտ Քոչարյանի կալանքը ևս երկու ամսով երկարաձգել:
Աելի վաղ հայտնել էինք, որ երեկ դատավոր Արթուր Մկրտչյանը ինքնաբացարկ չի հայտնել: Պատշտապները նշել էին, որ իրենք ինքնաբացարկի մերժման որոշումը չեն ստացել , և, եթե ստանան` հնարավոր է` կրկին ինքնաբացարկ ներկայացնեն դատավորին:
«Կպնդենք, որպեսզի այդ միջնորդություններն իրար միացված չքննվեն, որովհետև տարբեր ժամանակահատվածների են վերաբերում: Մենք գրավի միջնորդությունը ներկայացրել ենք դեռևս դեկտեմբերի վերջին: Դատարանին պետք է խնդրենք սկզբից գրավի հարցը քննարկել և որոշում կայացնել, այնուհետև՝ կալանքը երկարացնելու հարցը, եթե գրավի միջնորդությունը չբավարարվի»,-լրագրողների հետ զրույցում ասաց Ռոբերտ Քոչարյանի շահերի պաշտպաններից Արամ Օրբելյանը:
Նշենք, որ Ռոբերտ Քոչարյանի դատը մինչև ժ. 12.30 հետաձգվեց, պաշտպանական կողմը կրկին ինքնաբացարկի միջնորդություն է ներկայացրել դատավորին:
