«Իմ քայլը» դաշինքը կունենա 5 անդամ և մեկական անդամներ՝ ԲՀԿ և ԼՀԿ խմբակցությունները. հաստատվեց Հաշվիչ հանձնաժողովի կազմը
70 կողմ, 1 դեմ քվեարկությամբ ԱԺ-ն ընդունեց Հաշվիչ հանձնաժողովի կազմի մասին նախագիծը: Թեև քննարկվեց ընդդիմությանը երկուական տեղ հատկացնելու հարցը, սակայն ԱԺ-ն, հաշվի առնելով իրավական ընթացակարգը, հանձնաժողովի կազմը հաստատեց՝ ըստ մանդատների համամասնության, այսինքն` 5 անդամ կունենա «Իմ քայլը» դաշինքը և մեկական անդամներ՝ ԲՀԿ և ԼՀԿ խմբակցությունները:
Խմբակցություններըներկայացրին հանձնաժողովի անդամներին, «Իմ քայլը» դաշինքից` Վահագն Հովակիմյան, Արփինե Դավոյան, Սիսակ Գաբրիելյան, Քրիստինե Պողոսյան, Մարիա Կարապետյան: ԼՀԿ-ն առաջադրել է Աննա Կոստանյանին, իսկ ԲՀԿ-ից Շաքե Իսայանի թեկնածությունն է առաջադրվել: