Սկսվում է հաջորդ՝ հույսերի և խոստումների իրականացաման համառ և ամենօրյա աշխատանքի փուլ․ Արմեն Սարգսյան
«Պատմություն դարծած 2018 թվականը մեծ փոփոխությունների,փորձությունների սպասումների և հույսերի տարի էր, մեր ժողովրդի լավագույն հատկանիշների՝ միասնականության, համախմբվածության, բարձր բարոյական և քաղաքական ոգու բազմաթիվ դրսեւորումների տարի էր։ Դեկտեմբերի 9-ի խորհրդարանական ընտրությունների արդյունքները, որոնք ճանաչվել են դրանց մասնակցած բոլոր քաղաքական ուժերին և միջազգային դիտորդների կողմից բարձր լեգիտիմությամբ են օժտել ներկա ԱԺ-ին։ Նոր ԱԺ-ի և նոր կառավարության ձեւավորմամբ ավարտվում է քաղաքական փոփոխությունների առաջին փուլը, սկսվում է հաջորդ՝ հույսերի և խոստումների իրականացաման հետեւողական, համառ եւ ամենօրյա աշխատանքի փուլ։
Հարգելի պատգամավորներ դուք ստացել եք լայն հնարավորություններ կյանքի կոչելու
թավշյա հեղափոխության գաղափարները և իրականացնելու հասարակության
սպասելիքները՝ կերտելու նոր Հայաստան։ Իհարկե, ձեր գործունեության
հաջողությունը մեծապես պայմանավորված է լինելու Հայասատանի քաղաքացու
աջակցությունից և նրա մասնակցությունից հասարակական, քաղաքական, տնտեսական
եւ մշակութային , կրթական կյանքին»,- ասաց նա։
Նախագահի խոսքով՝ նոր Հայաստանը կառուցելու գործում դեռ բազում և լուրջ
փոփոխությունենր պետք է իրականացվեն բոլոր բնագավառներում և տարբեր
մակարդակներում։
«Առաջնային հարց է մնում ՀՀ-ում բնակվող յուրաքանչյուր անձի բարեկեցիկ
ապրելը։ Ներկայումս թե իրավական հարության վրա, թե գործնականում այդ
իրավունքներին բավարար կարեւորություն տրված չէ։ Նոր Հայաստանում մարդու
տնտեսական , սոցիալական, մշակութային, կրթական իրավուքներն ու
ազատությունները պետք է հանդիսանան մարդու արժանապատվության կարեւորագույն
բաղկացուցիչ մասը և հենց այդ ընկալումը պետք է ընկած լինի իրավական
ակտերի եւ պետական մարմինների գործողությունների հիմքում»,- հավելեց նա։