на Русском
Փաստաբան Վահան Հովհաննիսյանի ահազանգի հիման վ... 
Հենրի Քավիլն առաջին անգամ հայր կդառնա
Սիրելի՛ լրագրողներ, որպես բժիշկ, ցանկանում եմ ձեզ քաջառողջություն. Բաբլոյան
«2018 թվականը բավականին բարդ տարի էր ողջ երկրի և, բնականաբար, Ազգային ժողովի համար: Անկեղծ շնորհակալություն եմ հայտնում բոլոր լրագրողներին իրադարձություններն օպերատիվ ու անկողմնակալ լուսաբանելու համար: Համոզված եմ, որ մեր հասարակության լիարժեք տեղեկացվածության շնորհիվ էր, որ խուսափեցինք իրավիճակի հետագա շիկացումից և կարողացանք խնդիրները տեղափոխել խորհրդարանական քննարկումների դաշտ ու այս պատերի ներսում գտնել երկխոսության ու ճիշտ լուծումների ճանապարհը»,- այս մասին ասել է Ազգային ժողովի նախագահ Արա Բաբլոյանը, ով այսօր ԱԺ-ում հյուրընկալել էր լրագրողներին:
Բաբլոյանը հատուկ շնորհակալություն է հայտնել խորհրդարանում հավատարմագրված լրագրողներին, որոնք բարձր մակարդակով են իրականացրել Հայաստանի օրենսդիր մարմնի աշխատանքի լուսաբանումը:
«Ավելի հաճախ մատնացույց անելով հրատապ լուծում պահանջող տարբեր խնդիրներ՝ դուք ասես դարձաք մեր օգնականներն ու խորհրդատուները»,- ասել է Բաբլոյանը:
Աժ նախագահն իր ելույթի վերջում բոլոր լրագրողներին մաղթել է, որ այս տարում լրագրողները նույնպիսի պրոֆեսոնալիզմով աշխատեն նոր խորհրդարանականների հետ:
«Սիրելի՛ լրագրողներ, որպես բժիշկ, ցանկանում եմ ձեզ քաջառողջություն, մաղթում եմ լրագրողական նորանոր հաջողություններ, երազանքների իրականացում ու ամենայն բարիք»,- ասել է Արա Բաբլոյանը:
