Հաղորդակցության ցանցերի օպերատորներին հանձնարարվել է մատուցվող կապի ծառայությունների վերաբերյալ հրապարակել սահմանված նոր տեղեկություններ
Հանրային ծառայությունները կարգավորող հանձնաժողովը հաստատեց «Հանրային էլեկտրոնային հաղորդակցության ցանցերի օպերատորների կողմից հանրային էլեկտրոնային հաղորդակցության ամրակցված և շարժական կապի ծառայությունների հասանելիության վերաբերյալ տեղեկատվության հրապարակման և Հայաստանի Հանրապետության հանրային ծառայությունները կարգավորող հանձնաժողովի մի շարք որոշումներ ուժը կորցրած ճանաչելու մասին» որոշման նախագիծը:
Հիմնական զեկուցող Գեղամ Գևորգյանը նշեց, որ 2014թ-ին ընդունված որոշումների համաձայն՝ հանրային էլեկտրոնային հաղորդակցության ամրակցված և շարժական կապի ծառայությունների հասանելիության վերաբերյալ ցանցերի օպերատորների կողմից տրվում է տեղեկատվություն:
«Ելնելով կապի ցանցերի հասանեիության վերաբերյալ միասնական մոտեցում կիրառելու նկատառումից և ցանցերի օպերատորների հետ քննարկամ արդյունքում հեռահաղորդակցման վարչության կողմից մշակվել է համապատասխան որոշման նախագիծ»,-ասաց նա և նշեց, որ սահմանված տեղեկատվությունները պետք է հրապարկվի որոշումն ուժի մեջ մտնելու օրվանից 30-օրյա ժամկետում հաճախորդների սպասարկման իր գործառնական գրասենյակներում և ինտերնետային կայքում:
Նա թվարկեց դրույթները.
1) իր կողմից հանրային էլեկտրոնային հաղորդակցության ամրակցված կապի ծառայություններով ապահովված բնակավայրերի ցանկի, այդ բնակավայրերում կիրառվող ամրակցված կապի տեխնոլոգիաների և մատուցվող ծառայությունների վերաբերյալ տեղեկատվությունը, ընդ որում՝ Երևան քաղաքի համար՝ ըստ վարչական շրջանների,
2) իր հանրային էլեկտրոնային հաղորդակցության շարժական կապի ծածկույթ չունեցող բնակավայրերի ցանկի, իր կողմից հանրային էլեկտրոնային հաղորդակցության շարժական կապի ծածկույթով ապահովված բնակավայրերի ցանկի և այդ բնակավայրերում կիրառվող շարժական բջջային կապի տեխնոլոգիաների և մատուցվող ծառայությունների վերաբերյալ տեղեկատվությունը։
Սույն որոշման 1-ին կետում նշված տեղեկատվությունը թարմացվում է յուրաքանչյուր տարի մինչև մարտի 1-ը՝ տվյալ տարվա առնվազն հունվարի 1-ի դրությամբ։
ՀՀ հանրային ծառայությունները կարգավորող հանձնաժողովի նախագահի տեղակալ Միքայել Սողոմոնյանը օպերատորների ներկայացուցիչներին ասաց, որ եթե առաջարկություններ ունեն՝ անեն և ոչ թե հետո գնան և հայտարարություն տարածեն, որ անընդունելի է:
Ցանցային օպերատորները նշեցին, որ այսօրվա որոշման հետ կապված առարկություն չունենք: