Արտակարգ դեպք Երևանում. մի քանի տների բնակիչներ հայտնվել են բաց երկնքի տակ
Երեւանում այսօր՝ հունվարի 3-ին, արտակարգ դեպք է տեղի ունցել. ժամը 05:00-ից 05:30-ն ընկած ժամանակահատվածում խոշոր հրդեհ է բռնկվել Կենտրոն վարչական շրջանի՝ ժողովրդին հայտնի Կոզերն թաղամասի մի քանի տների տանիքներում:
Shamshyan.com-ի հաղորդմամբ, կրակը վայրկյանների ընթացքում տարածվել է և վնասել 58/1, 56, 54 տները: Մինչ հրշեջների ժամանումը կրակի դեմ պայքարել են բնակիչները:
Բարեբախտաբար զոհեր և վիրավորներ չկան, սակայն բնակիչները հայտնվել են բաց երկնքի տակ, իսկ ներսում գտնվող կենցաղային իրերը և ամբողջ գույքը մեծ մասամբ վերածվել է մոխրակույտի: