Եգիպտոսում զբոսաշրջային ավտոբուս է պայթել. կան զոհեր և վիրավորներ
![](/timthumb.php?src=disc/28-12-18/51eeaf2300fc39f991f2a15662525e03.jpg&w=450)
Եգիպտոսի մայրաքաղաք Կահիրեի Գիզա շրջանում տեղի ունեցած պայթյունի հետևանքով երկու վիետնամցի զբոսաշրջիկ է մահացել, տասը՝ վիրավորվել: Այս մասին հայտնում է РИА Новости-ն՝ հղում անելով երկրի ՆԳՆ մամուլի ծառայությանը:
«18:15-ին (երևանյան 20:15-ին) Էլ Գիզա շրջանի փողոցներից մեկում ինքնաշեն պայթուցիկ սարք է գործարկվել, որը տեղադրված է եղել պատի մոտ: Պայթյունը որոտացել է, երբ այդ տեղով անցնելիս է եղել 14 վիետնամցի զբոսաշրջիկի տեղափոխող ավտոբուսը, ինչը հանգեցրել է երկու մարդու մահվան և 10 մարդու վիրավորման:
Վիրավորվել են նաև ավտոբուսի վարորդն ու էքսկուրսավարը, որոնք Եգիպտոսի քաղաքացիներ են: Դեպքի վայր են ժամանել իրավապահ ուժերը, հանգամանքները պարզվում են», - ասվում է երկրի ՆԳՆ հաղորդագրության մեջ: