Ընտրակաշառք բաժանելու մեջ մեղադրվող Հրայր Անտոնյանը մի քանի տաքսի ծառայություն ունի, որոնցից մեկը բյուջեին խոշոր գումար պետք է վճարի

«Ժողովուրդ» օրաթերթը գրում է. «ՀՀ հանրային ծառայությունները կարգավորող հանձնաժողովը «Սվիթուեյ տրանս» ընկերությանը պարտավորեցրել է պետական բյուջե վճարել 296 հազար դրամ պարտքը: Պարզվում է` այս ընկերությունը դեռևս 2010 թվականից ունի ռադիոհաճախականության օգտագործման թույլտվություն, բայց մինչ օրս չի կատարել դրա վճարումը:

«Ժողովուրդ» օրաթերթը տեղեկացավ, որ տաքսի ծառայությունը պատկանում է Երևանի քաղաքապետարանի կոմունալ տնտեսության վարչության նախկին պետ Հրայր Անտոնյանին, որը «Զիբիլիքս» գործի շրջանակներում մեղադրվում է 2017թ. Երևանի ավագանու ընտրություններում ՀՀԿ-ի և Տարոն Մարգարյանի օգտին ընտրակաշառք բաժանելու մեջ: Անտոնյանն ունի մի քանի հատ տաքսի ծառայություն: Նրան են պատկանում ոչ միայն Երևանում «Սվիթ ուեյ տրանս», այլև Վանաձորում «Կառուզո տրանս» տաքսի ծառայությունները:

Ըստ ՀՀ պետական ռեգիստրի` «Սվիթ ուեյ տրանս» տաքսի ծառայության հիմնադիրը Քրիստինե Անտոնյանն է` Հ. Անտոնյանի կինը, իսկ «Կառուզո տրանս»-ի հիմնադիրը Համեստ Առաքելյանն է` Անտոնյանի մայրը»:

Մանրամասն՝ թերթի այսօրվա համարում: