на Русском
Կիրանցում բնակիչները շրջափակել են Ռազմական ոս... 
Պատգամավոր Գառնիկ Դանիելյանը դուրս է եկել հիվ... 
Մոսկվայում որպես բժիշկ սովորած ու ՀՀ ԶՈՒ-ին կամավոր ներկայացած տղայի նկատմամբ քրգործ է հարուցվել՝ դասալքության մեղադրանքով
Մոսկվայում որպես բժիշկ ասպիրանտուրան ավարտած ու ՀՀ բանակում ծառայելու համար կամավոր ներկայացած երիտասարդի նկատմամբ քրեական գործ է հարոցվել՝ դասալքության մեղադրանքով: Այս մասին ահազանգում է երիտասարդի հայրը: Վերջինս բաց նամակով դիմում է վարչապետին՝ գործին ուշադիր լինելու հարցին լուծում տալու խնդրանքով: Բաց նամակը ներկայացնում ենք ստորև.
«Մեծարգո Վարչապետ
Ստիպված եմ դիմում այս ծայրահեղ քայլին:
Ես ընտանիքով բնակվում եմ Խիմկի քաղաքում: Եկել եմ Հայաստան և դեկտեմբերի 9-ին ընտրությանը մասնակցելու և քվերկել եմ «Իմ քայլը» դաշինքի օգտին, հավատալով Ձեզ և ԹԱՎՇՅԱ ՀԵՂԱՓՈԽՈՒԹՅԱՆԸ:
Բայց կարծես խաբնվել եմ:
Ասեմ ինչու. Զավակս՝ Հարություն Աղասյանը, ՀՀ-ից գործուղված ասպիրանտ է Մոսկվայում: Նա ավարտել է ասպիրանտուրան և կամավոր ներկայացել է ՀՀ բանակում որպես որակյալ բժիշկ ծառայելու, իր պարտքը տալու պետությանը,սակայն օրենքի խախտմամբ նրան ծառայության են նշանակել ոչ իր մասնագիտությամբ:
Գլուխը քարը, դա էլ է տանելի, բայց երբ զավակս եկել է Մոսկվա իր ընտանիքին և մեզ հրաժեշտ տալու,օբյեկտիվ ձգձգումների պատճառով մի քանի օր ուշացել է, որի մասին գրավոր հայտնել է ՌԴ-ում ՀՀ Դեսպանին: Մինչ ընտանեկան ծանր վիճակի շտկումը ՀՀ Զին դատախազությունը քրեական գործ է հարուցել դասալքության մեղադրանքով, այնինչ որդիս չի խուսափել և չի խուսափում ծառայությունից, փաստ, որն առակա է նաև գործում, չնայած տարկետման, կամավոր ներկայանալը:
Գործը վարող քննիչը և իր պետը մնալով հին կաղապարի մեջ անտեսում են Ձեր հայտարարությունը գործին օրինական ընթացք չեն տալիս: Սերժական համակարգը հալածեց մեզ, մեր ընտանիքին և դուրս քշեց իմ երկրից: Ուզում ենք վերադառնալ, սակայն սերժական ոհմակը խոչընդոտում է, ահավասիկ վայ քննիչի վարքագիծը:
Ու՞մ հավատամ, Ձեզ, թե իրողությանը»:
