Բեզոարյան այծի անկման պատճառն այն չէ, ինչ հրամցվում է պաշտոնապես. այծը փախել էր տարածքից և նրան ճանապարհին մեքենա է հարվածել. բողոքի ակցիա (տեսանյութ)
Երևանի կենդանաբանական այգու դիմաց բողոքի ակցիա իրականացնող նախկին աշխատակիցները պնդում են, որ օրեր առաջ բեզոարյան այծի անկման պատճառն այն չէ, ինչ հրամցվում է պաշտոնապես, այլ այն է, որ այծը փախել էր տարածքից և նրան ճանապարհին մեքենա է հարվածել:
Ակցիայի մասնակիցները պնդում են, որ կենդանիների խնամքի հետ կապված խնդիրներ կան, շատ հարցերում մասնագետների կարծիքը չեն ցանկանում լսել:
Աշխատակիցները պնդեցին, որ իրենք նկատողության ծանուցումներ են ստանում, պատճառը տնօրենի հրաժարականի պահանջով բողոքի ակցիաներին մասնակցելն է:
«Ծանուցում են ուղարկել բացատրագիր ներկայացնելու պահանջով. եթե ասեի, որ տնօրենին դեմ չեմ, ապրի Ռուբեն Խաչատրյանը, պատվոգիր կուղարկեին ինձ»,- նշեց աշխատակիցներից Գայանե Գփոյանը:
Նա նշեց, որ 11 տարի է՝ աշխատում է այգում, սիրով զբաղվում է կապիկների խնամքով, բայց աշխատանքային ոչ նորմալ պայմաններում:
Երևանի կենդանաբանական այգու դիմաց բողոքի ակցիա է իրականացվում: Այգու նախկին և ներկա աշխատակիցները, կենդանասերները պահանջում են կենդանաբանական այգու տնօրեն Ռուբեն Խաչատրյանի հրաժարականը: