«Մանչեսթեր Յունայթեդ»-ը կգնի Նեյմարին
Անգլիական «Մանչեսթեր Յունայթեդ» ֆուտբոլային ակումբը ցանկանում է գնել Բրազիլիայի ազգային հավաքականի և ֆրանսիական «ՊՍԺ»-ի հարձակվող Նեյմարը: Այս մասին հաղորդում է L'Equipe-ը:
Հրապարակման համաձայն, «Մանչեսթեր Յունայթեդ»-ը մտադիր է առաջարկն անել ամառային տրանսֆերային պատուհանի ժամանակ:
Նեյմարի ներկայիս պայմանագիրը ՊՍԺ-ի հետ մինչև 2022 թվականն է: Transfermarkt պորտալի համաձայն, ֆուտբոլիստը գնահատվում է 180 մլն եվրո:
Այս մրցաշրջանում 26-ամյա բրազիլացին մրցաշարերում 18 խաղ է անցկացրել և15 գոլ է խփել: